Yardımlıda yağan qar yolları bürüyüb - təmizlənmə işləri davam etdirilir - VİDEO

Novruz bayramı günlərində müşahidə olunan soyuq hava şəraiti, eləcə də martın 19-dan etibarən ölkənin dağlıq və dağətəyi rayonlarına yağan qar bir sıra çətinliklər yaradıb. Bir neçə gün öncədən Yardımlı rayonuna da yağan qar rayonun elektrik və rabitə təsərrüfatında, xüsusilə də yol infrastrukturunda da bir fəsadlara, qayğılara səbəb olub.
Demokratik.Az-ın türkmedia.info-ya istinadən məlumatına görə, Yardımlıda respublika ve yerli əhəmmiyyətli yollarda avtomobillərin hərəkətində çətinliklər özünü daha qabarıq göstərir. Hazırda, rayon ərazisində fəaliyyət göstərən 51 saylı Yol İstismar MMC bağlı yolların açılmasına, qardan təmizlənməsinə çalışır. Eləcə də bu istiqamətdə bələdiyyə və ərazi icra nümayəndəikləri əllərindən gələni edirlər. Yardımlı şəhəri ilə birləşən yerli əhəmmiyətli yolların qardan təmizlənməsi, kənddaxili yolların nizama salınması üçün 80-dən artıq yaşayış məntəqəsində təxirəsalınmaz tədbirlər görülür. Yardımlı rayonu ilə Masallı rayonunu birləşdirən əsas magistral yolda gediş-gəliş artıq tam təmin olunub.
Hazırda bir sıra kəndlərdə işıqsız qalan bir sıra abonentlərin elektrik enerji ilə təminatı üçün də timir işlərinin aparıldığı deyilir.
Qarın yaratmış olduğu çətinliklərdən sonra görülən zəruri tədbirlərdə əhalinin özü və rayon İHB-nin nümayəndələri də fəal iştirak edir.