Əhmədzadə aparat rəhbərini Göygölün Pənahlılar kəndinə göndərdi - VİDEO

Azərbaycan Meliorasiya və Su Təsərrüfatı ASC- nin rəhbəri Əhməd Əhmədzadə Göygölün Pənahlılar kəndində alovlanmaqda olan kütləvi şikayətin araşdırılması üçün qurumun aparat rəhbəri Cahan Məmmədovu sözügedən kəndə göndərib.
"Demokratik.Az"-ın məlumatına görə, qurum rəsmisi Pənahlılar kəndində insanların şikayətini dinləyib. Sakinlər suvarma problemləri barədə C.Məmmədova geniş məlumatlar veriblər. Şikayətçilər kəndlərinin pay torpaqlarının Göygöl SSİ rəhbərliyi tərəfindən icazəsiz qazılamasını, onların maddi vəsaiti ilə təmir edilmiş köhnə su boru xəttinin əllərindən alınaraq Çaylı kəndinə çəkilməsini və İlqar Məhərrəmovun bu işdəki maddi maxinasiya maraqlarının olduğunu komissiyanın diqqətinə çatdırıblar.
Sakinlər yoxlamanın gəlişinə sevinsələr də, nəticənin yaxşı olacağını deməkdə çətinlik çəkirlər.
Onlar şikayətlənərək saytımıza bildirirlər ki, Bakıdan gələn adam da məlum səbəblərə görə SSİ rəisi, korrupsioner İlqar Məhərrəmovun tərəfini saxlayır...
(mövzu diqqətimizdədir)