“Amnistiya aktı xalqın özünə inamını, özünə təsdiqini göstərən məqamdır”

Əli Hüseynli: “Dövlət burada öz iradəsini göstərir”

“Zəfər günü ilə bağlı Amnistiya Aktının təqdim olunması təsadüfi deyil”.

Bu sözləri hal-hazırda TV Müsavatda “Yeni Müsavat” Media Qrupunun rəhbəri Rauf Arifoğlunun müəllifi olduğu “Dərin Təhli” verilişində Milli Məclis sədrinin birinci müavini Əli Hüseynli bildirib. Onun sözlərinə görə, bu, xalqın özünə inamını, özünə təsdiqini göstərən məqamdır: “Dövlət burada öz iradəsini göstərir. Gücünü, humanistliyinin yüksək səviyyəsini nümayiş etdirir. Baxmayaraq ki, amnistiya cinayət törətmiş şəxslərlə bağlıdır, bu gün xüsusi gündür. Ona görə də belə bir tarixi şəraitdə o kateroqriyadan olan şəxslərə də humanistlik etmək mümkündür”.

Ə.Hüseynli eyni zamanda açıqlayıb ki, amnistiya aktı 16-17 mindən çox şəxsi əhatə edəcək. “Dövlət onlara qarşı humanistlik edir” deyən MM sədrinin birinci müavininin sözlərinə görə, müharibədən sonra bir çox ölkələrdə, konflikt zonalardsa kriminogen durum adətən daha da pisləşir: “Azərbaycanda xalqın ümumilli düşüncəsi, milli birlik o qədər yüksək səviyyədədir, bu sayda cinayət törətmiş şəxslərin ümumi kriminogen duruma, ictimai-siyasi sabitliyə təsir edən amil deyil. Bu 1 ildə keçdiyimiz yolda müstəqil Azərbaycan dövləti kifayət qədər güclüdür,burada vətəndaşları təmin edən istənilən qərarları qəbul etmək mümkündür”.