Bu günahı edəndə İblis insan üzərində tam qələbə çalır…

Bir dəfə Musa peyğəmbər insanların əhatəsində əyləşib onlarla söhbət edirdi. Birdən ona başında rəngbərəng, güllü-çiçəkli papaq olan bir məxluq yaxınlaşdı. O, üzünü Peyğəmbərə tutaraq ədəb-ərkanla papağını çıxardı və onu salamladı.

Musa peyğəmbər soruşdu:

-Sən kimsən?

-Mən İblisəm!-deyə məxluq cavab verdi.

-Bəs nə üçün təşrif buyurmusan?

-Mən sənin Allah qarşısında ali mövqeyindən xəbərdaram. Ona görə də səni görmək və salamlamaq qərarına gəldim.

-Bəs başındakı nə örtükdür elə?

-Bununla mən Adəm nəslinin qəlbini azdırıram.

-O zaman de görək, insanın etdiyi hansı günah sənin onun üzərindəki qələbəni göstərir.

İblis  Peyğəmbərin bu sualına belə cavab verdi:

-Mən insan üzərində o zaman qalib oluram ki, o,  etdiyi xeyir əməllərə  görə özü-özündən həzz alır və öz günahlarını unudur...