Demokratik.Az » Xəbərlər » Müsahibə » "Atam oğrudur, Azərbaycandan qaçmaq istəyirəm" - Nazir müavininin oğlu

"Atam oğrudur, Azərbaycandan qaçmaq istəyirəm" - Nazir müavininin oğlu

  • 08 noy 2015, 11:47
"Atası nazirliklərin birində müavin vəzifəsində işləyən bir gənc mənə müraciət edib. O, ölkədən qaçmaq istəyir. Mənə də kömək üçün müraciət edib”. Demokratik.Az saytı xəbər verir ki, bunu öz "Facebook" səhifəsində hüquq müdafiəçisi Əlövsət Əliyev bildirib.

Ə.Əliyev yazır ki, məmur oğlu ona müraciətində atasının əməllərindən bezdiyini bildirib: "Həmin gənc yazıb ki, atamın rəsmi əməkhaqqı 1400 manatdır. Lakin o, hər gün evə bu məbləğdən dəfələrlə çox pul gətirir. Onun qanunsuz fəaliyyətinə görə evdə daim əsəb və qorxu hökm sürür, özümüzü oğru kimi hiss edirik, hərəkətlərimə qoyulan məhdudiyyətlərə dözə bilmirəm. Evdə rəsmiyyət o həddədir ki, özümüzü dövlət idarələrində olan şəxs kimi hiss edirik. Bu vəziyyətə dözmədiyim üçün atamdan imtina etmək və sərbəst yaşamaq istəyirəm. Həmin gənc məndən bunun qaydasını ona izah etməyimi xahiş edir”.

Qeyd edək ki, Ə.Əliyev Sabir Rüstəmxanlının qardaşıdır. O, uzun müddət hüquq müdafiəçisi kimi fəaliyyət göstərib. Miqrasiya məsələləri ilə məşğul olub. Sonradan isə Daxili İşlər Nazirliyinin generalı Emin Şəkinskinin keçmiş həyat yoldaşının ölkədən qaçırılmasının təşkilində ittiham edilib. Ə.Əliyev Azərbaycandan qaçaraq Almaniyada siyasi sığınacaq alıb və hazırda bu ölkədə yaşayır.
Oxşar xəbərlər