AMEA açıqlama yaydı - Mehdiyevin səhhətində hansı problem var?

  • 23 mar 2021, 22:27
19-20 mart tarixlərində bəzi saytlarda 83 yaşlı AMEA prezidenti Ramiz Mehdiyevin səhhətində  ciddi problemlərin yarandığına, vəziyyətinin pisləşdiyinə dair məlumatlar yayılıb. Hətta  bəzi mənbələr Ramiz Mehdiyevin dünyasını dəyişdiyini bildiririb. 
Ancasq AMEA-nın mətbuat xidməti bu gün həmin məlumatları təkzib edib. 
Açıqlamada deyilir: “İctimaiyyətin diqqətinə çatdırırıq ki, yayılan bu informasiyanın heç bir əsası yoxdur, akademik Ramiz Mehdiyev özünü kifayət qədər yaxşı hiss edir.
Mətbuat sahəsində çalışan həmkarlarımızı jurnalist etikasının qaydalarına riayət etməyə çağırır, cəmiyyəti yalan məlumatlarla çaşdırmamağı xahiş edirik. Həmçinin, xatırlatmaq istəyirik ki, saxta məlumatları tirajlayanlar peşəkar olmadıqlarını nümayiş etdirir, insanlarda özləri haqqında qeyri-ciddi təəssürat yaradırlar”.
Xatırladaq ki, bəzi mətbuat orqanları Ramiz Mehdiyevin parkinson xəstəliyindən əziyyət çəkdiyinə dair də məlumat yayıb. 
"YAP-ın 5 martda keçirilən qurultayından sonra mediaya açıqlama verən 83 yaşlı AMEA prezidenti Ramiz Mehdiyevin parkinson xəstəliyindən ciddi şəkildə əziyyət çəkdiyi kameralarda açıq-aşkar görünüb. R.Mehdiyevin sağ tərəfində bu xəstəliyin ciddi olduğu, hətta akademikin əlini cibinə qoymasına baxmayaraq, yenə də əsmənin davam etdiyi görünür.
Məlumata görə, R.Mehdiyev bir neçə ildir Parkinson xəstəliyindən əziyyət çəkir" - deyə, məlumatda bildirilib
Oxşar xəbərlər