Nazarbayev təcili Özbəkistana gedir- o G20 sammitini təxirə salıb

Qazaxıstan prezidenti Nursultan Nazarbayev Özbəkistana təcili səfər etməyə hazırlaşır.

Reuters agentliyi xəbər verir ki, Nazarbayev bu səfər üçün G20-nin dövlət başçılarının Çində keçiriləcək sammitində iştirakdan imtina edəcək.

Məlumata görə, Nazarbayev Daşkəndə sentyabrın 3-də gedəcək. Agentlik bildirir ki, Qazaxıstan prezidentinin Daşkəndə təcili səfəri Özbəkistan prezidenti İslam Kərimovun ölümü ilə bağlıdır.

Xatırladaq ki, sentyabrın 2-də əvvəlcə Özbəkistan Nazirlər Kabinetinin rəsmi saytında ölkə başçısının vəziyyətinin kəskin pisləşməsi barədə məlumat yerləşdirilib.

Bir az sonra isə Özbəkistan liderinin ölüm xəbəri yayılıb.