Nazarbayev Rusiya ilə Xəzərin dibini böldü

Qazaxıstan prezidenti Nursultan Nazarbayev Xəzərin şimal hissəsində dənizin dibinin bölünməsi ilə bağlı Qazaxıstan və Rusiya arasında imzalanmış razılaşmaya dəyişikliyin ratifikasiyası barədə qanunu imzalayıb.

 

Bu barədə Qazaxıstan prezidentinin mətbuat xidməti məlumat yayıb.

Rusiya Xarici İşlər Nazirliyinin saytında yerləşdirilmiş məlumata əsasən protokol "Kurmanqazı” və "Mərkəz” strukturları çərçivəsində yeraltı sərvətlərdən, o cümlədən "Xvılınskoye” yatağının ehtiyatlarını bölməklə istifadəsini nəzərdə tutur.

Xatırladaq ki, bu gün Astanada Xəzəryanı ölkələrin xarici işlər nazirlərinin görüşü keçirilib.

APA