Koreya sahillərində neft tankeri yanır

Cənubi Koreya sahillərində Panama bayrağı altında üzən neft tankerində yanğın başlayıb.

APA-nın "Rönhap” agentliyinə istinadən verdiyi xəbərə görə, insident Cənubi Koreyaya məxsus Tonön adası yaxınlığında qeydə alınıb.

Zərərçəkənlər barədə məlumat verilmir. Hadisə yerinə sahil mühafizəsinin gəmiləri göndərilib.

Məlumata görə, gəminin göyərtəsində 21 nəfər heyət üzvü var.