Bütün yenilikləri Facebook səhifənizdə izləyin. Yalnız "Bəyənirəm" edin.

16:06 - 18.09.2019  
“MTN işi”ndə yeni şok xəbərlər - həbslər, axtarışlar və müəmma...
Tarix: 21-10-2015, 19:26 | Bölmə: Xəbərlər » Kriminal

Eldar Mahmudovun bütün adamları nəzarətə alındı; Nazirliyin ən məşhur generalları saxlanıldı, bəziləri ev dustağıdır; quruma nazirdən əvvəl müavin təyinatı oldu; Mədət Quliyev Milli Təhlükəsizlik Nazirliyində nəyi dəyişə bilər - ekspertlər danışır

“MTN işi”ndə yeni şok xəbərlər - həbslər, axtarışlar və müəmma...Oktyabrın 17-də Milli Təhlükəsizlik Nazirliyində (MTN) gecəyarısı həyata keçirilən xüsusi əməliyyatla bağlı müzakirələr səngimir. Müzakirələrdə sahibkarların boğulmasından tutmuş "Rusiya izi” "İsrail xüsusi xidmət orqanlarına məlumat ötürmə”, "vəhhabi məsələsi” və digər məqamlara toxunulur, hər bir versiyanı inandırıcı edən arqumentlər səsləndirilir.

Prezident İlham Əliyevin gözlənilməz 17 oktyabr qərarı ilə Eldar Mahmudov nazir vəzifəsindən uzaqlaşdırılandan sonra bu posta kimin təyin olunacağı da dartışılan mövzulardandır. 
MTN-də 1-ci müavin postu yaradıldı və...


Oktyabrın 20-də Milli Təhlükəsizlik Nazirliyinin strukturunda dəyişiklik olunub. Dəyişikliyə əsasən milli təhlükəsizlik nazirinin 1-ci müavini ştat vahidi yaradılıb. 

Mədət Quliyev MTN rəhbərliyinə gətirildi

Prezidentin imzaladığı digər sərəncama əsasən yeni yaradılmış posta Penitensiar Xidmətin rəisi Mədət Quliyev təyin olunub. M.Quliyevə milli təhlükəsizlik naziri vəzifəsinin icrası da tapşırılıb. Hələlik nazir postu boşdur və yaxın günlərdə bu posta təyinat olacağı da gözlənilir. Namizədlər sırasında Bakı Şəhər Baş Polis İdarəsinin sabiq rəisi, hazırda prezidentinin müdafiə məsələləri üzrə köməkçisi xidmətinin müdafiə məsələləri şöbəsinin müdiri Məhərrəm Əliyev, milli təhlükəsizlik nazirinin sabiq birinci müavini, Baş Prokuror yanında Korrupsiyaya Qarşı Mübarizə İdarəsinin rəis müavini Əli Nağıyev, Naxçıvan MR-in milli təhlükəsizlik naziri Vəli Ələsgərov, prezidentin müdafiə məsələləri üzrə köməkçisi Vahid Əliyev və daxili işlər nazirinin müavini Vilayət Eyvazovun adları hallanır. Amma son söz prezidentindir və bu baxımdan nazir təyin ediləcək şəxsin adı qeyd olunan siyahıda olmaya bilər. 

Baş Prokurorluq "MTN işi” ilə bağlı rəsmi açıqlama yaydı

Oktyabrın 17-də Milli Təhlükəsizlik Nazirliyində həyata keçirilən xüsusi əməliyyat haqda Baş Prokurorluq rəsmi məlumat yayıb. Həmin məlumatda deyilir:

"Milli Təhlükəsizlik Nazirliyinin ayrı-ayrı vəzifəli şəxsləri tərəfindən vəzifə səlahiyyətlərindən sui-istifadə və yol verilmiş digər qanun pozuntuları faktları üzrə Baş Prokurorluqda Cinayət Məcəlləsinin müvafiq maddələri ilə cinayət işi başlanaraq istintaq-əməliyyat qrupu yaradılıb. Həyata keçirilmiş istintaq-əməliyyat tədbirləri ilə nazirliyin bir qrup əməkdaşı tərəfindən xidməti vəzifələrinin icrası ilə əlaqədar qulluq səlahiyyətlərindən sui-istifadə etmə və əməliyyat-axtarış fəaliyyəti haqqında qanunvericiliyin tələblərini pozmaqla sahibkarlıq fəaliyyəti subyektlərinin fəaliyyətinə qanunsuz müdaxilələr edilməsi, ayrı-ayrı şəxslərin hüquq və qanunla qorunan mənafelərinin pozulmasına əsaslı şübhələr müəyyən olunub. Cinayət işi üzrə Milli Təhlükəsizlik Nazirliyinin 7 vəzifəli şəxsi Cinayət Məcəlləsinin 308.2 - vəzifə səlahiyyətlərindən sui-istifadə, 309.1- vəzifə səlahiyyətlərini aşma və 302.2- əməliyyat-axtarış fəaliyyəti haqqında qanunvericiliyi pozma maddələri ilə təqsirləndirilən şəxs qismində cəlb olunaraq həmin maddələrdə nəzərdə tutulan ittiham elan edilməklə məhkəmənin müvafiq qərarları ilə barələrində həbs-qətimkan tədbiri seçilib. Hazırda istintaq-əməliyyat tədbirləri davam etdirilir”.

"MTN işi” üzrə tutulanları Səbayel məhkəməsinə aparıblar - adlar!!!

Rəsmi məlumatda "MTN işi” üzrə həbs olunan vəzifəli şəxslərin adları açıqlanmır. "Yeni Müsavat”a özəl mənbədən daxil olan məlumata görə, MTN-in saxlanılan yüksək çinli şəxsləri barəsində həbs-qətimkan tədbirinin seçilməsi haqda təqdimata Səbayel Rayon Məhkəməsinin hakimi Rauf Əhmədov baxıb. Tutulan şəxslər barəsində ilkin olaraq 3 aylıq həbs-qətimkan tədbiri seçilib. Məhkəmədən Nərimanov Rayon Polis İdarəsinin Müvəqqəti Saxlama Təcridxanasına aparılan sabiq MTN-çilər sonradan 1 saylı Bakı İstintaq Təcridxanasına köçürülüblər. Saxlanılanlar sırasında milli təhlükəsizlik nazirinin müavini Hilal Əsədov, Baş İstintaq İdarəsinin rəis müavini Sahib Ələkbərov, Akif Çovdarov, İlqar Əliyev, Natəvan Mirvətova, Fərhad Atayev və polkovnik Füzuli Ələsgərzadənin adları çəkilir. 

Hilal Əsədovun evində axtarış aparılması haqda xəbər var

Adı "MTN işi” üzrə saxlanılanlar sırasında çəkilən general-leytenant Hilal Əsədovun evlərində axtarış aparılması haqda redaksiyamıza xəbər daxil olub. Məlumatlı mənbənin verdiyi bilgiyə görə, adətən 2 mülki geyimli şəxsin müşayiət etdiyi H.Əsədov bu dəfə Bakının mərkəzindəki mənzilinə 10-a yaxın şəxslə gəlib. 28 May küçəsi, ev 18 ünvanında aparılan axtarışdan sonra H.Əsədov həmin şəxslərin əhatəsində naməlum istiqamətə aparılıb. Axtarış zamanı mənzildən sənədlər götürülüb.

XİN səfirliklərdə çalışan MTN-çilərə bağlı açıqlama verdi

İslam Əməkdaşlıq Təşkilatının Avropa İttifaqı yanındakı keçmiş səfiri Arif Məmmədov milli təhlükəsizlik naziri Eldar Mahmudovun vəzifədən azad edilməsindən sonra açıqlama yayaraq bildirmişdi ki, xarici ölkələrdə yerləşən səfirliklərdə çalışan MTN əməkdaşlarının bir qismi vətənə dönməyəcək. Xarici İşlər Nazirliyinin mətbuat katibi Hikmət Hacıyev məsələ ilə bağlı apa.az-a açılama verib. Mətbuat katibi deyib: "Beynəlxalq diplomatik praktikaya və dövlətlərarası əməkdaşlığın səviyyəsinə uyğun olaraq, diplomatik nümayəndəliklərdə digər dövlət qurumlarının əməkdaşlarının da təmsil olunması adi haldır”.

H.Hacıyevin sözlərinə görə, bu çərçivədə ölkədən və ikitərəfli əməkdaşlığın xarakteri və səviyyəsindən asılı olaraq Azərbaycan Respublikasının müvafiq diplomatik nümayəndəliklərində Müdafiə Nazirliyi, Daxili İşlər Nazirliyi, Xüsusi Dövlət Mühafizə Xidməti, Dövlət Gömrük Komitəsi və Milli Təhlükəsizlik Nazirliyinin əməkdaşları da təmsil olunurlar:

"Qarşılıqlılıq prinsipi əsasında digər dövlətlərin də Azərbaycan Respublikasındakı diplomatik nümayəndəliklərində həmin ölkələrin müvafiq qurumlarının əməkdaşları xidmət edirlər”.
Prezidentin səbrini daşdıran son damla nə olub? 

Eldar Mahmudovun tutduğu postdan qəfil uzaqlaşdırılmasında sahibkarların birbaşa prezidentə şikayətinin rol oynaması haqda da xəbər var. Bildirilir ki, prezidentin rəhbərliyi ilə keçirilən son müşavirədə məmurlara "sahibkarlığın inkişafına mane olmayın” xəbərdarlığına əməl olunmayıb. Sahibkarlar MTN-in heç bir əsas olmadan onların işinə qarışmasından birbaşa ölkə başçısına şikayətlər ediblər. Bundan sonra xüsusi əməliyyatın gecikdirilmədən həyata keçirilməsinə göstəriş verilib. Qaynağımız bildirib ki, əslində əməliyyatın keçirilməsi seçkilərdən sonra, noyabrın ortalarına planlaşdırılıbmış... 

MTN-dəki "təmizləmə”də "Rusiya izi”...

Bununla belə, əməliyyatın baş tutmasında "Rusiya izi”nin olması da istisna olunmur. Qeyd edilir ki, MTN-dəki "təmizləmə”nin Rusiyanın Suriyadakı müharibəyə qatılmasından sonra baş tutması təsadüfi deyil. Məlumdur ki, vəhhabilik Rusiya ərazisində Çeçenistan müharibəsindən sonra qeyri-rəsmi qadağan olunub, vəhhabilərə qarşı antiterror əməliyyatları həyata keçirilib. Bu gün Rusiyada, xüsusən Dağıstan və Çeçenistanda şalvarı qısa, saqqalı uzun şəxsləri görmək mümkün deyil. Çünki belə şəxslər dərhal hüquq-mühafizə orqanlarına çağırılır, ona xarici görkəminə görə digər vətəndaşlardan fərqlənməmək tapşırılır. Ölkə sərhədlərini tərk edəcəyi təqdirdə geri qayıtmamaq tələb olunur. Suriya hakimiyyətinə Rusiyanın hərbi-siyasi dəstək verdiyi bir vaxtda Azərbaycandan Bəşər Əsədə qarşı döyüşmək üçün xeyli şəxsin getməsi də bir faktdır. 

Yeri gəlmişkən, adının açıqlanmasını istəməyən hökumətyönlü deputatlardan biri musavat.com-a açıqlamasında MTN-in sabiq rəhbərliyini vəhhabilərin Azərbaycanda qol-qanad açmasına şərait yaratmaqda suçlayıb. Deyib ki, MTN əməkdaşları vəhhabilərdən pul alaraq onları sərbəst gəzib dolaşmasına şərait yaradıblar. Bu baxımdan MTN rəhbərliyinin cəzalandırılmasında "Rusiya izi”nin olması da mümkündür. 

Sabiq prezidentdən açıqlama

Məsələ ilə bağlı mətbuatda müxtəlif fikirlər, versiyalar tirajlansa da, hələ ki E.Mahmudovun aqibəti ilə bağlı qaranlıq məqamlar var. Bundan başqa, diqqət çəkən məsələlərdən biri də onun yerinə təyinatın olmamasıdır.

Azərbaycanın sabiq prezidenti Ayaz Mütəllibov da Eldar Mahmudovun vəzifədən çıxarılmasına münasibət bildirib. O, aznews.az-a açıqlamasında deyib ki, belə ciddi qərarlar səbəbsiz verilmir: "Eldar Mahmudovun işdən çıxarılması ilə bağlı heç bir fikir deyə bilmərəm. Çünki işin içində deyiləm. Ancaq ciddi qərarları səbəbsiz qəbul etməzlər. Görünür, ortada çox ciddi məsələlər var”. 

"Belə olan halda Azərbaycanı hansısa təhlükə gözləyirmi” sualına A.Mütəllibov belə cavab verib: "Heç bir təhlükə olmayacaq”.

Tanımış hüquqşünas deyir ki...

MTN-də həyata keçirilən xüsusi əməliyyata tanınmış hüquqşünas Müzəffər Baxış münasibətini açıqlayıb. M.Baxış deyib ki, hüquq-mühafizə orqanları əməkdaşlarının, xüsusən də MTN əməkdaşlarının cinayətkar əməlləri haqda mətbuatda dəfələrlə yazılar dərc olunub: "Təkcə MTN deyil, digər səlahiyyətli qurumların, hətta Kənd Təsərrüfatı Nazirliyi yanında Fitosanitar Xidmət əməkdaşlarının sahibkarların başına açdığı oyunlar da var. Sahibkarlardan Tarif Şurasının rəsmi açıqladığı tariflərdən 10, 20, hətta 50 qat artıq pul alırlar. Adını da dövlət rüsumu qoyurlar. MTN-də baş verən cinayətlər, xüsusən sahibkarlara qarşı baş verənlər bir çoxlarına bəlli idi. Amma heç kim qorxusundan bunu deyə bilmirdi. 1-2 adam vardı ki, bunu deyirdi, mətbuatda çıxış etməkdən çəkinmirdi. Hüquq-mühafizə orqanlarının, xüsusən MTN-in cinayətləri haqda deyilib. Şəxsən mən MTN-in cinayətləri barədə mətbuata demişdim ki, MTN-in girişində 2 mərtəbəli bina var. O binanın 2-ci mərtəbəsində ən xırda sahibkardan tutmuş ən böyük sahibkara qədər MTN əməkdaşlarının qəbuluna çağırılırdılar. Ora çağırılan sahibkara konkret rəqəm demirdilər. Bir kağız parçasını sahibkarın qabağına qoyurdular. Kağızda tutaq ki, 1 milyon yazırdılar. Bazarlıq edirdilər. Tutaq ki, sahibkar deyirdi ki, bu qədər vəsaiti verməyə gücü çatmır, düşürdülər 800 minə, bu məbləği də ödəyə bilmirdisə 500 minə qədər endirirdilər. Belə alverlər gedirdi və sahibkarlardan pul qoparırdılar. Bizə konkret faktlar da bəllidir. Azərbaycanın hüquq ictimaiyyətinə, ölkədə baş verənlərlə maraqlananlara MTN əməkdaşlarının hətta obyektlərə silahlı basqınlar təşkil edib pul aldıqları haqda faktlar məlumdur. Bir mebel dükanından 200 min manat pulu götürüb gediblər. Şəmkirdə 1 sahibkardan 2 milyona yaxın pul alınıb. Bunlar az qala Azərbaycan ictimaiyyətinə bəlli olan haldır”. 

M.Baxış digər hüquq-mühafizə orqanlarında da belə halların mövcud olduğunu, vətəndaşların əsassız olaraq cinayət məsuliyyətinə cəlb olunması hallarının geniş yayıldığını, məhkəmələrin günahsız insanlara bəraət hökmü verməkdən çəkindiyini də açıqlayıb: "Sahibkarı tuturlar, qanunsuz olaraq ondan pul tələb edirlər. Pulu vermədisə ən ağlasığmaz cinayətdə suçlayıb ittiham elan edirlər. Günahı bizneslə məşğul olmasından o yana keçməyən sahibkar 3 ay, bəzən daha artıq müddətə həbsdə saxlanır, əmlaklarını satdırıb pulunu alıb işi məhkəməyə yollayırlar. İstintaq dövründə pulunu aldıqları sahibkarın məhkəmədən şərti olaraq azad olunmasına şərait yaradırlar. Pul verə bilməyənlər isə uzun illər azadlıqdan məhrum edilir. Budur reallıq. Bu adamlar Azərbaycan sahibkarlarını, ictimaiyyətini, insanını əzməklə məşğuldular”.

M.Baxış son həbslərin sahibkarlara qarşı qanunsuzluqlarla yanaşı, digər məsələlərə də söykəndiyini açıqladı: "Yaxın zamanlarda Azərbaycan ictimaiyyəti əsl həqiqəti biləcək. Gələcəkdə belə halların baş verməməsi üçün hüquqi dövlət quruculuğu üçün real addımlar atılmalı, qanunun aliliyi təmin edilməlidir”.

E.MƏMMƏDƏLİYEV
Xəbər 3947 dəfə oxunub






Oxşar xəbərlər

Nazir direktoru işdən çıxardı
DTX Rəşad Atakişiyevin ailəsinin müraciətini araşdırır
Bu gün Milli Musiqi Günüdür
Səudiyyə hücumların qarşısında niyə ACİZ QALDI?
ABŞ İrana cavab zərbəsi endirməyi təklif edib!
Gülnarə Kərimova yoxa çıxıb
“Harya eydirsən, ayə”ni bəyənirdin axı, a bəy...
Müxalifətin bitməyən “ana” qovğası
Bakıda Fukusima kimi “qəza” - yaponlar Abutalıbova demişdilər ki...
TƏDBİR! Mətbuat Klubu öz işini bərpa edir - VİDEO
Vaqif Əsədov "1 manatlıq" taksilərdən danışdı
Azərbaycanda kredit təşkilatı satılıb
Nikol Paşinyan ABŞ-a səfərə gedir
Salyan-Şirvan yolunun yenidən qurulmasıyla bağlı prezidentə təşəkkür - VİDEO
Qabuniya Putini niyə söydüyünü açıqladı
Bakı sakini polis əməkdaşlarını da yandırmaq istədi
İTV-nin direktoru robota müsahibə verdi - Video
Zöhrə Abdullayeva oğlunun ölümündən sonra ilk dəfə efirdə belə danışdı
“Tək yatır, əri yoxdu…” - Hadisəyə söz atdı
Bakıda arvadını yandırmaq istədi - tutuldu
Pentaqon Trampı təkzib edib
Gənc Tamaşaçılar Teatrının tavanı çöküb
Milli Şuranın mitinq oyununun pərdəarxası - sensasion iddialar
BMT Baş Assambleyasının 74-cü sessiyası başlayır
Əflatun Amaşov ÜMŞA-nın sədrinin birinci müavini seçildi
Bakının xilas gününü işğal kimi qələmə verənlər var (?!)
Qubanın icra başçısı 700 bal toplayanlara maşın verəcək
Aytəkin Alxaslı "100 illik” medalı ilə təltif edilib
Rus məmur Naftalanda "şokolad"a girdiyi üçün işdən qovulacaq
Qəzet bir hərf səhvi ilə Stalinə “qavnokomanduyuşi” yazdı, güllələnmə aldı
Bədii gimnastika üzrə dünya çempionatı Bakıda keçirilir - Prezident və xanımı açılışda
Türkiyənin Vitse-prezidentinin Azərbaycana rəsmi səfəri başa çatıb
Ukrayna müdafiə xərclərini 10 milyard dollara çatdıracaq
Tramp İranı hədələyib
Vilayət Eyvazov: “..cinayətlərin sayı azalıb”
General Vaqif Axundovun AD GÜNÜNƏ - TƏBRİK!
Azərbaycan Ordusunun genişmiqyaslı təlimləri başlayıb
İlham Əliyev və xanımı 300 saylı məktəbin açılışda
Şumaxer müalicə kursundan sonra Fransanı tərk edib
Neftin dünya bazarında qiymətləri 19% bahalaşıb
Azərbaycanda yeni dərs ili başlayıb
Mübariz İbrahimovun ev muzeyi tamamlanmaq üzrədir - VİDEO
Ruhani Türkiyəyə getdi
Zakir Həsənov müharibə ANONSU edib
Qaxda 17 yaşlı oğlan bıcaqlanıb
Zakir Həsənov MİQ-29 qəzasından danışdı
"Kasıblamış" Vidadi Zeynalovun Türkiyədəki əmlaklarının SİYAHISI
Tünisdə prezident seçkilərində səsvermə bitib
Əli Həsənov Nuru paşadan yazdı - "Fateh komandan.."
Eynşteynin nisbilik nəzəriyyəsi sübut olundu
Təəssüf ki, axmaqlıq onu gəzdirənə əzab vermir…
Bakı erməni-bolşevik işğalından necə azad edildi
"15 sentyabr PAYTAXT günü elan olunmalıdır!" - Qulu Məhərrəmli
Nazilə əri ilə şəklini paylaşdı - müzakirəyə səbəb oldu
Prezident Bilik Günü münasibətilə "Facebook"da paylaşım edib
101 il öncə - Bugün Bakının azad olunduğu gündür
Rəşid Behbudovun sirli ölümü: “Məni aradan götürəcəklər” - TARİX
İlham Əliyev iki yeni səfirin etimadnaməsini qəbul edib
Mehriban Əliyeva Şamaxı Cümə məscidində - FOTOLAR
Güləşçimiz dünya çempionatında finala çıxıb
Evlərin qiymətində bahalaşma davam edir
Kürd siyasətçi: "PKK böyük qırğınlar törədə bilər"
Azərbaycan Qarabağla bağlı diplomatik hücuma keçdi
Baş Prokurorluqdan Firudin Ələkbərli ilə bağlı açıqlama
Gələn il dövlət büdcəmiz nə qədər olacaq ? - RƏSMİ
Mingəçevir su anbarı və onun təhlükəsizliyi - ANALİZ
“Sami Yusif mahnıya bəsit yanaşıb" - Analiz
Adam oğurlayaraq işgəncə verən idmançımız barədə FAKTLAR
Putin Dağıstan səfərində müsəlmanlarla araq içdi – “İmamların 3-də…” -VİDEO
AİLƏSİ ONU AXTARIR

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Sentyabr 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.41131] initstartout [0.00021] initstartin [0.00106] calstart [0.01447] calend [0.00078] topnewsend [0.00681] rsssend [0.00000] ehgend [0.10680] tagsstart [0.00091] tag-initendin [0.00000] initendout [0.00001] weathend [0.00000] end [0.28022]