Hüseynqulu Bağırov da nazir postunu itirdi

Azərbaycanın ekologiya və təbii sərvətlər naziri Hüseynqulu Bağırov da işsiz qalıb.

Demokratik.Az xəbər verir ki, 63 yaşlı nazir öz postu ilə vidalaşıb.

H.Bağırov artıq təhvil-təslim işlərini həyata keçirir.

Qeyd edək ki, Bağırov Hüseynqulu Seyid oğlu sözügedən posta 2001-ci ildə təyin olunmuşdu.

Xatırladaq ki, Azərbaycan prezidenti İlham Əliyev Nazirlər Kabinetinin tərkibini təsdiq etdiyi siyahıda Hüseynqulu Bağırov yer almayıb. Onun yenidən əvvəlki vəzifəsini daşıyacağı gözlənilsə də, bu, baş verməyib.