Argentinada marixuana leqallaşdırıldı

  • 30 mart 2017, 08:07

Argentina parlamenti marixuananın tibbi məqsədlər üçün leqallaşdırılması haqqında qanun layihəsini müzakirəyə çıxarıb.

APA-nın "Gazeta.ru”ya istinadən verdiyi xəbərə görə, qanun layihəsi yekdilliklə qəbul edilib.

Bundan sonra sənəd ölkə prezidenti tərəfindən təsdiqlənməlidir. Qanun layihəsinə əsasən, xroniki ağrılar, epilepsiya, fibromialgiya və bir sıra digər xəstəliklərin müalicəsi üçün kannabis yağının idxalına və istifadəsinə icazə verilir. Marixuana xəstələrə pulsuz olaraq paylanacaq.

Bununla belə, narkotik maddənin yetişdirilməsi qeyri-qanuni olaraq qalıb. Argentinada tərkibində narkotik maddə olan bitkilərin becərilməsinə görə 4 ildən 15 ilədək həbs cəzası nəzərdə tutulur.

Oxşar xəbərlər