Gəncədə həkim koronavirusdan vəfat edib - FOTO

Gəncədə təcili yardımın həkimi koronavirusdan vəfat edib.
Bu barədə vəfat edən həkimin həmkarları məlumat yayıb. Məlumata görə, Gəncə şəhər 3 nömrəli Təcili Tibbi Yardım Stansiyasının həkimi Cəmşid Abbasov bu gün dünyasını dəyişib.
Bildirilir ki, Cəmşid Abbasov ilk gündən koronavirusla mübarizədə ön cəbhədə çalışıb.
C.Abbasov koronavirusa yoluxduqdan sonra Bakı şəhərindəki ixtisaslaşmış tibb müəssisələrindən birinə yerləşdirilərək müalicə alırmış. O, müalicə aldığı xəstəxanada vəfat edib.
Qeyd edək ki, Azərbaycanda daha bir təcili tibbi yardım həkimi koronavirusdan dünyasını dəyişmişdi.