KİV: Nikol Paşinyanın komandası çat verir

Ermənistanın baş naziri Nikol Paşinyanın komandası çat verir.
“Report” xəbər verir ki, bu barədə Ermənistanda çıxan “Past” qəzeti yazı yayıb.
Bildirilib ki, Ermənistan baş nazirinin müavini Tiqran Avinyanın ofisinin rəhbəri Varaq Siseryan tutduğu vəzifədən azad ediləcək: “Dünən isə onun iyunun 2-dək məzuniyyətdə olacağı və sonra istefa verəcəyi məlum olub".
"Bizə yaxın mənbə bildirib ki, Siseryan geri qayıtmayacaq. Onun sözlərinə görə, buna səbəb ofis rəhbərinin kabinetinin qapısının möhürlənməsi deyil. Yaxın günlərdə ictimaiyyət əsl səbəbi biləcək. Səbəb nə olsa da, fakt faktlığında qalır: baş nazir Nikol Paşinyan koronavirusla bağlı yaranmış vəziyyəti nəinki idarə edə bilmir, o, komandasına nəzarəti itirir. Bu isə baş nazirin komandasında çatın başlamasını sürətləndirir”.