Saakaşvili: “2003-də hamı mənə gülürdü...”

İdealistlərə heç vaxt gülməyin.

Axar.az xəbər verir ki, bu sözləri öz Feysbuk səhifəsində Gürcüstanın eks-prezidenti Mixail Saakaşvili paylaşıb. O, Gürcüstanla Avropa Birliyi arasında viza rejiminin ləğv edilməsini böyük uğur adlandırıb:

"2003-cü ildə Qızılgül inqilabından sonra mən Avropanın bayrağını Tiflisin mərkəzində parlament qarşısında qaldıranda postsovet məkanında demək olar ki, hər kəs mənə gülürdü. Hətta bir çox avropalılar sakitcə məni masqaraya qoyurdular. 2008-ci ildə bizim Rusiya aqressiyasına cavabımızdan sonra Şərq Tərəfdaşlığı yaradıldı. Bunun da gələcəyinə çoxları inanmırdı. Bu gün isə Gürcüstan artıq AB ilə assosiativ üzvlük haqqında müqavilə imzalayıb və nəhayət ki, vizasız rejimi də əldə edib. İdealistlərə heç vaxt gülməyin”.

Demokratik.Az