Bütün yenilikləri Facebook səhifənizdə izləyin. Yalnız "Bəyənirəm" edin.

12:28 - 15.09.2019  
Prezidentdən böyük dəyişikliklər - yeni görəvə gətirilən generalların dosyeləri
Tarix: 20-06-2019, 21:00 | Bölmə: Xəbərlər » Ölkə içi

Dövlət başçısı İlham Əliyev ən yaxın generallarını nazir və rəis təyin etdi; Ramil Usubov  Prezident yanında Təhlükəsizlik Şurasının katibi oldu; təyinatlara verilən ilk qiymətləndirmə budur ki, prezident genişlənən islahatlar prosesində sadiq generalları yanında görmək istəyir...

Prezidentdən böyük dəyişikliklər - yeni görəvə gətirilən generalların dosyeləriİyunun 20-də prezident İlham Əliyev hakim komandada bir sıra ciddi kadr dəyişikliyi edib.  Prezident Ramil Usubovu  daxili işlər naziri  vəzifəsindən azad edərək Azərbaycan Respublikası Prezidenti yanında Təhlükəsizlik Şurasının katibi təyin edilməsi haqqında sərəncam imzalayıb.

Prezidentin digər sərəncamı ilə daxili işlər nazirinin birinci müavini  Vilayət Eyvazov daxili işlər naziri təyin edilib.

Daha bir ciddi kadr dəyişikliyi  Dövlət Təhlükəsizlik Xidməti ilə bağlı olub. Dövlət başçısı DTX rəisi  Mədət Quliyevi vəzifəsindən azad edərək  müdafiə sənayesi naziri təyin edib. Prezidentin digər sərəncamı ilə Əli Nağıyev Dövlət Təhlükəsizliyi Xidmətinin rəisi təyin olunub.

Əsas mesaj budur ki, İlham Əliyevin generallarına etimadı tamdır

İlk diqqətə çarpan detal budur ki, prezident heç bir komanda oyunçusunu cəzalandırmayıb - kimlərsə yeni yerindən daha razı, ya da daha narazı ola bilərlər; lakin əsas mesaj budur ki, İlham Əliyevin generallarına etimadı tamdır, onlara güvənir və genişlənən islahatlar prosesində onları yanında görmək istəyir. 

Müşahidəçilərin fikrincə, 20 iyun tarixli sərəncamların ən maraqlısı 25 il daxili işlər naziri vəzifəsində çalışmış Ramil Usubovun yeni siyasi vəzifəyə təyinatı və onun boşalmış olan yerinə birinci müavini Vilayət Eyvazovun gətirilməsidir.

Azərbaycan Respublikasının Prezidenti yanında Təhlükəsizlik Şurasının katibi postu dövlət strukturunda kifayət qədər yüksək vəzifədir və dövlətə 25 il nazir kimi xidmət göstərmiş Ramil Usubova etimadın göstəricisi sayıla bilər. Vilayət Eyvazovun daxili İşlər naziri təyin olunması da prezidentin unikal gedişi sayıla bilər. Vilayət Eyvazov Ramil Usubovun yetişdirməsi və bir növ varisi sayılır: hər zaman siyasi kluarlarda dolaşan bir söhbəti yəqin çoxları xatırlayır: "Usubovdan sonra nazir Vilayət Eyvazov olacaq”. Proqnozlar doğruldu: həm də Azərbaycan prezidentinin polis nazirliyinə hansı dərəcədə etimad etdiyini bariz nümayiş etdirərək.

Dövlət Təhlükəsizliyi Xidmətinin rəisi olan Mədət Quliyev  yenidən yaradılmış  Müdafiə Sənayesi Nazirliyində nazir postuna yüksəldilib. Qeyd edək ki, iyunun 20-də prezident İlham Əliyev "Azərsilah” Açıq Səhmdar Cəmiyyətinin yaradılması haqqında” Azərbaycan Respublikası Prezidentinin 2019-cu il 19 yanvar tarixli 466 nömrəli fərmanının ləğv edilməsi barədə sərəncam imzalayıb. General Mədət Quliyev Eldar Mahmudovdan qalan ağır mirası dövlət və yeni xələfləri üçün yüngülləşdirmək baxımından əlindən gələni etdi. İndi o, Yavər Camalovun ölümündən sonra başsız qalan çox mühüm bir sahəyə - Müdafiə Sənayesi Nazirliyinə yenidən həyat verməlidir. Ümumiyyətlə, islahatçı xarakteri ilə tanınan Mədət Quliyev bundan əvvəl Penitensiar Xidmətdə, daha sonra isə Təhlükəsizlik Xidmətində həmin sahələrdə islahatlar olması istiqamətində böyük işlər görüb. 

DTX-ya isə köhnə peşəkar, Eldar Mahmudov kimi yırtıcı ilə döyüşdən qalib çıxmış Əli Nağıyev gətirilib. O, Korrupsiyaya Qarşı Mübarizə Baş İdarəsində öz zəfər qayıdışını səbrlə gözləyirdi. Onu, hətta ən qatı rəqibləri də peşəkar kimi qiymətləndirir, sahəsinin bilicisi sayırlar.

Təhlükəsizlik Şurası nə vaxt yaradılıb və  yeni Katibi kimdir?

Azərbaycan Respublikasının Prezidenti yanında Təhlükəsizlik Şurası 1997-ci ilin  aprelin 10-da prezidentin fərmanı ilə yaradılıb. Təhlükəsizlik Şurası Prezidentin yanında məşvərətçi orqandır. O, Azərbaycan Respublikası Konstitusiyasının 109-cu maddəsinin 27-ci bəndinə uyğun olaraq prezident tərəfindən yaradılır. Təhlükəsizlik Şurası vətəndaşların hüquq və azadlıqlarının, Azərbaycan Respublikasının müstəqilliyinin və ərazi bütövlüyünün qorunması sahəsində Prezidentin öz Konstitusiya səlahiyyətlərini həyata keçirməsinə şərait yaradılmasını təmin edir.

Şuraya vitse-prezident, Milli Məclisin sədri, baş nazir, Prezident Administrasiyasının rəhbəri, dövlət müşavirləri, baş prokuror, xarici işlər naziri, müdafiə naziri, dövlət təhlükəsizlik xidmətinin rəisi, daxili işlər naziri daxildir.

Təhlükəsizlik Şurasının iclaslarına prezident sədrlik edir. R.Usubovun təyinatınadək Şuranın Katibi funksiyalarını Prezidentin Administrasiyasının rəhbəri yerinə yetirib.

Təhlükəsizlik Şurasının yeni katibi Usubov Ramil İdris oğlu 1948-ci ildə Xocalı rayonunda anadan olub. 1973-cü ildə N.Rizayev adına Bakı Xüsusi Orta Milis Məktəbini, 1980-cı ildə isə SSRİ  DİN-in Akademiyasını bitirib. 1970-ci ildən daxili işlər orqanlarında xidmət edib. 1975-ci ildə Şuşa rayon Polis Şöbəsinin Cinayət axtarış bölməsinin rəisi, 1980-1984-cü illərdə  Dağlıq Qarabağ Muxtar Vilayəti Daxili İşlər İdarəsinin rəis müavini, 1984-1987-ci illərdə Əli-Bayramlı şəhər-rayon polis şöbəsinin rəisi vəzifələrində işləyib.

1987-ci ildə Naxçıvan Muxtar Respublikasının daxili işlər naziri təyin edilib, 1989-cu ilədək həmin vəzifədə işləyib.

1989-1991-ci illərdə  DİN-in Cinayət Axtarış İdarəsinin rəisi,  1991-1992-ci illərdə Pasport İşləri, Viza və Qeydiyyat İdarəsinin rəisi, 1992-1993-cü illərdə  Kadrlar İdarəsinin şöbə rəisi vəzifələrində çalışıb. Naxçıvan Muxtar Respublikası Ali Məclisi sədrinin 11 avqust 1993-cü il tarixli fərmanı ilə 2-ci dəfə Naxçıvan Muxtar Respublikasının daxili işlər naziri təyin olunub.

Prezidentin 29 aprel 1994-cü il tarixli fərmanı ilə Azərbaycan Respublikasının daxili işlər naziri təyin edilib və 2019-cu ilin 20 iyununadək bu vəzifədə çalışıb. 3 may 1994-cü il tarixli fərmanı ilə general-mayor, 26 dekabr 1995-ci il tarixli fərmanı ilə general-leytenant, 15 yanvar 2002-ci il tarixli fərmanı ilə general-polkovnik ali hərbi rütbəsi verilib. "Azərbaycan Bayrağı”, "Vətənə xidmətə görə” 2018-ci il sərəncamı ilə "Şöhrət” ordenləri ilə təltif olunub. 

Ailəlidir. Üç övladı var.

Vilayət Eyvazovun nazir postuna aparan  yol

Prezidentdən böyük dəyişikliklər - yeni görəvə gətirilən generalların dosyeləriPolis general-leytenantı Eyvazov Vilayət Süleyman oğlu 1968-ci ildə Culfa rayonunun Əbrəqunus kəndində anadan olub. 2000-ci ildə Azərbaycan Respublikası DİN-in Polis Akademiyasını fərqlənmə diplomu ilə bitirib. Silahlı Qüvvələrin sıralarında müddətli həqiqi hərbi xidmət keçib. 

1994-cü ilin noyabr ayından Daxili İşlər Orqanlarında xidmət edir. Daxili İşlər Orqanlarında fəaliyyətə polis nəfəri kimi başlamış, DİN-in Baş Cinayət Axtarış İdarəsində şöbə rəisinin müavini, 2001-2005-ci illər ərzində Baş Mütəşəkkil Cinayətkarlıqla Mübarizə İdarəsinin rəis müavini və rəisi vəzifələrində işləyib. 

Prezidentin 14 aprel 2005-ci il tarixli sərəncamı ilə  daxili işlər nazirinin müavini, 2016-cı il 11 mart tarixli 1889 nömrəli sərəncamı ilə daxili işlər nazirinin birinci müavini təyin olunub. Cinayətkarlığa qarşı mübarizə işinin təşkilində, dövlətin Konstitusiya və dövlət quruluşunun müdafiəsində, əmin-amanlığın təmin edilməsində səmərəli fəaliyyətinə görə "Azərbaycan Bayrağı”,  2-ci dərəcəli "Vətənə xidmətə görə", 1-ci dərəcəli "Vətənə xidmətə görə” ordenləri və  "İgidliyə görə” medalı ilə təltif olunub. 

Prezidentin 2004-cü il tarixli sərəncamı ilə polis general-mayoru, 2006-cı il tarixli sərəncamı ilə polis general-leytenantı ali xüsusi rütbəsi verilib.

Ailəlidir. Üç övladı var.

Mədət Quliyev yenidən yaradılan nazirlikdə  

Prezidentdən böyük dəyişikliklər - yeni görəvə gətirilən generalların dosyeləriMədət Qəzənfər oğlu Quliyev 27 sentyabr 1958-ci ildə  Gəncə şəhərində anadan olub. 1980-ci ildə Azərbaycan Dövlət Bədən Tərbiyəsi İnstitutunu, 1997-ci ildə Daxili İşlər Nazirliyinin Polis Akademiyasını bitirib.

1980-1982-ci illərdə Silahlı Qüvvələrin sıralarında həqiqi hərbi xidmət keçib. 1983-cü ildən Azərbaycan Respublikasının daxili işlər orqanlarında xidmət edib.

1992-1994-cü illərdə Terrorizm və Banditizmlə mübarizə şöbəsinin rəisi, 1994-1995-ci illərdə DİN Mütəşəkkil Cinayətkarlıqla Mübarizə İdarəsinin Yevlax-Qazax Regional Şöbəsinin rəisi, 1995-1996-cı illərdə DİN Mütəşəkkil Cinayətkarlıqla Mübarizə İdarəsinin reketlə mübarizə şöbəsinin rəisi, 1996-2001-ci illərdə DİN Mütəşəkkil Cinayətkarlıqla Mübarizə İdarəsinin rəis müavini, 2001-2002-ci illərdə həmin İdarənin rəisi, 2002-2004-cü illərdə DİN Baş Narkotiklərlə Mübarizə İdarəsinin rəisi, 2004-2006-cı illərdə Azərbaycan Respublikasında İnterpolun Milli Mərkəzi Bürosunun rəisi, 2006-2011-ci illərdə DİN Baş Mühafizə İdarəsinin rəisi vəzifələrində çalışıb.

Prezidentin 30 iyun 2005-ci il tarixli sərəncamı ilə Mədət Quliyevə polis general-mayoru rütbəsi verilib. 

Prezidentin 14 fevral 2011-ci il tarixli sərəncamı ilə ədliyyə nazirinin müavini, Penitensiar Xidmətin rəisi təyin edilib.

20 oktyabr 2015-ci il tarixli sərəncamı ilə milli təhlükəsizlik nazirinin birinci müavini təyin edilib.  21 oktyabr 2015-ci il tarixli sərəncamı ilə Mədət Quliyevə general-leytenant ali hərbi rütbəsi verilib.

Prezidentin 14 dekabr 2015-ci il tarixli sərəncamı ilə general-leytenant Mədət Quliyev yeni yaradılmış Azərbaycan Respublikasının Dövlət Təhlükəsizliyi Xidmətinin rəisi təyin edilib və 20 iyun 2019-cu ilədək  bu vəzifədə çalışıb.  

Ailəlidir. Üç övladı var. 

Peşəkar generalın qayıdışı

Prezidentdən böyük dəyişikliklər - yeni görəvə gətirilən generalların dosyeləriƏli Nağıyev haqda vikipediya məlumatı yoxdur. O, 2011-ci ilin aprelinədək Milli təhlükəsizlik nazirinin birinci müavini işləyib. Sonra general tutduğu vəzifədən azad edilib.  Əli Nağıyev DTX rəisi təyinatına kimi Baş prokuror yanında Korrupsiyaya qarşı Mübarizə Baş İdarəsinin rəis müavini vəzifəsini icra edib.

Yeni təyinatlar ölkəmiz- millətimiz - dövlətimiz və təyin olunanlar üçün uğurlu olsun. Əminik ki, ölkə prezidenti İlham Əliyevin ölkəni islahatlara aparan yolunda hələ çox maraqlı dəyişikliklər və tarixi qərarlar görəcəyik.

"Yeni Müsavat”

Xəbər 1065 dəfə oxunub






Oxşar xəbərlər

Prezident Bilik Günü münasibətilə "Facebook"da paylaşım edib
Rəşid Behbudovun sirli ölümü: “Məni aradan götürəcəklər” - TARİX
İlham Əliyev iki yeni səfirin etimadnaməsini qəbul edib
Mehriban Əliyeva Şamaxı Cümə məscidində - FOTOLAR
Güləşçimiz dünya çempionatında finala çıxıb
Evlərin qiymətində bahalaşma davam edir
Kürd siyasətçi: "PKK böyük qırğınlar törədə bilər"
Azərbaycan Qarabağla bağlı diplomatik hücuma keçdi
Baş Prokurorluqdan Firudin Ələkbərli ilə bağlı açıqlama
Gələn il dövlət büdcəmiz nə qədər olacaq ? - RƏSMİ
Mingəçevir su anbarı və onun təhlükəsizliyi - ANALİZ
“Sami Yusif mahnıya bəsit yanaşıb" - Analiz
Adam oğurlayaraq işgəncə verən idmançımız barədə FAKTLAR
Putin Dağıstan səfərində müsəlmanlarla araq içdi – “İmamların 3-də…” -VİDEO
AİLƏSİ ONU AXTARIR
Gəncə sakinindən narkotik maddə götürülüb
Əhməd Davudoğlu AKP-dən istefa verib
Veronika Kastro karyerasını bitirdi
Sabiq məhkəmə sədrinin qatili Arif Əsgərovun qudasıdır
İsrailin aerokosmik şirkəti Azərbaycan bazarına gildi
Bakıda istifadəyə yararsız 1 tona yaxın quş əti aşkarlanıb
Qızıl bazarı bahalaşdı, gümüş isə...
Bakıda "Fiat" 70 yaşlı kişini vurub öldürdü
“Özlərini “fədai” adlandıran qoçular peyda olub” – Mübariz Mənsimov
"Fədailər Hərəkatı"nın lideri Fuad Muradovdan - VİDEOMÜSAHİBƏ
Aşura, yoxsa Qarabağ?
Türkiyəni 9 il idarə edən dəmir əl - Dosye
Misir Mərdanov direktor seçildi
İqor Levitin: "Azərbaycanda idman çox inkişaf edib"
Deputat Rusiyada 6.5 milyon dollara obyekt aldı
Ərdoğan: "Terrorçuların tutulması üçün nə lazımsa ediləcək"
Bal yarmarkasına müraciət edən arıçıların seçimi aparılıb
Dağlıq Qarabağın azərbaycanlı icması bəyanat yayıb
Netanyahu Soçidə Rusiya prezidenti ilə görüşəcək
İqtidar və müxalifət birgə sənəd imzaladı – Video
"Əxlaq polisi"nin yaradılması nəzərdə tutulmayıb - AÇIQLAMA
İqtidar-müxalifət partiyaları birgə BƏYANAT verdi - MƏTN
Bloqqer Elvin İsayev sərbəst buraxıldı
Şuşa qalasının ən son görüntüləri (FOTO)
Bakıda adam oğurlayan dəstə tutuldu - Video
Arda Turana 2 il həbs cəzası verildi – SƏBƏB
Universitetlərimizin reytinqi yenidən gündəm oldu
"Qarabağı yavaş-yavaş itiririk" - Deputat
Neft bahalaşmağa davam edir
Dilqəm və Şahbaz azad edilə bilər - ÇAĞIRIŞ
“Eldar Mahmudovu Rusiya ifşa etmişdi” - Sərdar Cəlaloğlu
Moskva “B planı”nı işə saldı - Paşinyan üçün son döyüş
Erməni şirkətləri Azərbaycana necə yol tapır? – Gömrükdəki problem
AŞPA məruzəçisi Bakıya səfərini yekunlaşdırıb
Eldar İbrahimova SUAL: “Sən özün hansı tərəfdəsən?”
Sami Yusifdən misilsiz ifa: Nəsimi qəzəli... - Video
"Ayna"dan baxış: "Məmurların sosial mediaya gəlişi tapşırıq yox, ünsiyyət olmalıdır..."
Zakir Qaralov Almaniyanın Azərbaycandakı səfiri ilə görüşüb
“Porsche” Bakının mərkəzində qəza törədib - FOTO
GÖZLƏNİLMƏZ! Putin seçkilərdə geri təpdi
ABŞ-ın Rusiyadakı keçmiş casusu 925 min dollara ev alıb
Türkiyənin tanınmış aktyoru vəfat edib
Əli Həsənov Nəsimidən yazdı - "7 böyük ozandan biri..."
Putin 30 yüksək vəzifəli məmuru işdən çıxardı
Cin çıxarmaq adıyla qətl törədənlər, nəhayət, vəkil tapdı
Mixael Şumaxer Paris xəstəxanasına yerləşdirilib
Azərbaycanı “maşın zibilliyi”nə döndərən səbəblər
Əli Abbasov canını necə qurtardı? – Detallar
Deputatlar: Keçmiş nazirlərə cinayət işi açılmalıdır
Azərbaycanda müəllimlərin dərs yükü norması artırıldı
Azərbaycan Xorvatiya ilə heç-heçə edib
İlham Əliyev Qaxariyanı təbrik etdi
Bu gün Aşuradır
“Mənim müxalifət kimi istədiyim...” - İqbal Ağazadə
Azərbaycan şirkətlərinin Türkiyədə kapitalı nə qədərdir?

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Sentyabr 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.37022] initstartout [0.00022] initstartin [0.00111] calstart [0.01572] calend [0.00077] topnewsend [0.00774] rsssend [0.00000] ehgend [0.01092] tagsstart [0.00093] tag-initendin [0.00000] initendout [0.00001] weathend [0.00000] end [0.33277]