Bütün yenilikləri Facebook səhifənizdə izləyin. Yalnız "Bəyənirəm" edin.

17:35 - 20.06.2019  
ZİYA MƏMMƏDOV HƏBS OLUNMALIDIR, AMMA… – 700 milyonluq “səhv” və cəzasızlıq…
Tarix: 19-09-2018, 08:38 | Bölmə: Xəbərlər » Ölkə içi

Son günlər kütləvi informasiya vasitələrində və sosial şəbəkələrdə Bakı-Quba-Rusiya yolunun dağılması ilə bağlı yeni müzakirələr başlayıb. Sadə vətəndaşlarla yanaşı ekspertlər və hətta deputatlar da bu müzakirələrdə fəal iştirak edirlər.

ZİYA MƏMMƏDOV HƏBS OLUNMALIDIR, AMMA… – 700 milyonluq “səhv” və cəzasızlıq…Əlbəttə, tikintisi 2009-cu ilin ortalarında tamamlanan və təxminən 700 milyon manata başa gələn yolun istismara verilməsindən 9 il sonra tamamilə sıradan çıxması (3 il keçməmiş dağılmağa başlamışdı -müəl.), üzərindən sükutla keçiləsi hadisə deyil. Bu, açıq-aşkar külli miqdarda dövlət vəsaitinin mənimsənilməsindən və ya səmərəsiz xərclənməsindən xəbər verir.

Yəni, yolun qısa müddətdə tam dağılması tikinti zamanı korrupsiyanın – total mənimsəmənin baş verdiyinə dair ciddi şübhələr yaradır. Buna görə araşdırma aparılmalı, məsuliyyətə cəlb edilənlər olmalıdır. Ancaq hələlik hüquq-mühafizə orqanları susqunluq nümayiş etdirdiyindən, günahkarlar ancaq mətbuatda və sosial şəbəkələrdə ittiham olunur.

Media orqanları, eləcə də məsələyə münasibət bildirən ekspertlər, deputatlar isə 700 milyonluq yolun dağılmasına görə məsuliyyəti birmənalı şəkildə o dövrdə nəqliyyat naziri işləyən Ziya Məmmədovun üzərinə qoyur, onu ittiham edirlər. Bu da təsadüfi deyil.

ziya1-1
Əvvəla, bu yolun tikintisi üçün vəsait məhz Nəqliyyat Nazirliyinə ayrılıb. Tikintini həyata keçirən "Azəryolservis” ASC isə Nəqliyyat Nazirliyinin tabeliyində idi. Belə ki, 2005-cı ildən tikintisinə başlanan Bakı-Quba-Rusiya avtomobil yoluna 2005-2010-cu illərdə dövlət büdcəsinin investisiya xərclərindən 641 milyon 820 min manat pul ayrılıb.Beynəlxalq maliyyə təşkilatlarından alınan kreditlərlə birlikdə layihə 700 milyon manata başa gəlib. Yəni, pulun necə xərclənməsinə nəzarət Ziya Məmmədov tərəfindən həyata keçirilib.

İkincisi, yol 2009-cu ildə istifadəyə verilən zaman Ziya Məmmədov Bakı-Quba-Rusiya yolunun istismar müddətinin 30 il olduğunu vurğulamışdı. Amma cəmi 3 il sonra – 2012-ci ildə yol sıradan çıxmağa başladı, 9 il sonra isə tam dağıldı. Ona görə də, ictimaiyyət haqlı olaraq bu yolun belə tez dağılmasına görə Ziya Məmmədovun cavab verməli oduğunu düşünür. İnsanlar Məmmədovun bəzi suallara cavab verməsini istəyir: Niyə 30 il istifadə olunacağını dediyiniz yol 3 ilə dağıldı? O vədi verəndə yolun davamlılığını yoxlamışdınızmı? 700 milyonun neçə faizi "yeyilib” ki yol belə tez dağıldı və sairə.

1457677717_road_repair_110316__1

Ancaq bu suallara cavab verməli olan yalnız Ziya Məmmədov deyil. Hətta dərindən araşdırılsa, bəlkə də bu "bahalı yolun” belə tez dağılmasına görə Ziya Məmmədov faktiki məsuliyyət daşıyanlar arasında heç də ön sıralarda olmayacaq. 

Əlbəttə, bununla Ziya Məmmədovun günahsız olduğunu iddia etmək fikrindən uzağıq. Ziya Məmmədovun "ŞİŞİRTMƏ” sahəsindəki "istedadından” hələ uzun illər danışılacaq.  Hörmətli Ziya müəllim 5 manatlıq layihəni 500 manata rəsmiləşdirməkdə, hətta sonradan bunu «özünəməxsus» şəkildə «əsaslandırmaqda» heç bir problem görməyən nadir nüsxələrdəndir.

2ae191435735876_1

Sabiq nazirin təkcə əvvəllər də mövcud olmuş Bakı-Aeroport yolunun yenidən tikintisi zamanı hər kilometrə görə 34 milyon dollar "xərcləməsi” (bəlkə də silməsi yazmalıydıq-müəl.) və bu fantastik qiyməti ərazinin relyefi, işçi qüvvəsinin dəyəri ilə "əsaslandırması” (sanki Himalay dağlarından isveçrəlilərə yol çəkdirib) dediyimizə əyani sübutdir.

Ancaq Bakı-Quba-Rusiya avtomobil yolunun tikintisi ilə bağlı məsuliyyəti yalnız Ziya Məmmədovun üzərinə qoymaq ədalətli deyil. Məsələ ondadır ki, həmin dövrdə tikintiyə birbaşa nəzarəti, adı son illərdə müəmmalı şəkildə bir neçə dəfə dəyişdirilən, hazırki Azərbaycan Avtomobil Yolları Dövlət Agentliyinın sələfi olan "Azəryolservis” ASC həyata keçirirdi. 2003-cü ildən 2015-ci ilə qədər isə həmin quruma hazırda "Azərbaycan Dəmir Yolları” QSC-nin sədri işləyən, milət vəkili Cavid Qurbanov rəhbərlik edib.

1533637913_1440658104_azeryol-se0

Bakı-Quba-Rusiya avtomobil yolunun tikintisi də məhz Cavid Qurbanovun "Azəryolservis” ASC-yə rəhbərlik etdiyi dövrdə, birbaşa onun nəzarəti altında həyata keçirilib. Yəni, 700 milyonluq yolun qısa müddətdən sonra dağılmasına görə hörmətli Cavid Qurbanovun heç də Ziya Məmmədovdan az məsuliyyət daşımadığını söyləmək olar. Bunu Cavid Qurbanovun özü də dolayısıyla etiraf edib.

O, 2015-ci ildə jurnalistlərə açıqlamasında Bakı-Quba-Rusiya avtomobil yolunun tikintisi zamanı "səhvə yol verdiklərini” bildirib. Sitat: "Bakı-Quba yolunun çəkilməsində bizim səhvlərimiz olub. Bunu boynumuza almalıyıq. Birincisi, texnikaya düzgün əməl olunmayıb. İkincisi, ağır tonnajlı maşınların yükgötürmə qabiliyyəti normalarına riayət edilməyib. Bunları etiraf edirik”.

Başqa bir müsahibəsində isə, Cavid Qurbanov 30 il istismar müddəti qoyulan Bakı-Quba-Rusiya avtomobil yolunun qısa müddətdən sonra dağılmasını təcrübəsizliklə bağlayıb: "Hər yerdə keyfiyyətdə müəyyən nöqsanlar ola bilər. Bakı-Quba yolu birinci dəfə idi tikilirdi. Ona görə də, təcrübəmiz yox idi… Səhvlər tikinti zamanı görülən işlərlə bağlıdır. Bu ehtiyatsızlıq, vaxt gözlənilməməsi ilə bağlıdır. Bu da təcrübəsizlikdən irəli gələn bir şeydir”.

15243849853976822071_554x360

Göründüyü kimi, Cavid Qurbanov dolayısıyla da olsa Bakı-Quba-Rusiya avtomobil yolunun dağılmasına görə rəhbərlik etdiyi qurumun məsuliyyət daşıdığını etiraf edib. Düzdür, yolun belə tez dağılmasında eyni zamanda yük daşıyan maşınların normadan artıq yüklənməsinin də payı olduğunu bildirib: "Heç kəsi başa salmaq olmur ki, maşınlara bu qədər yük vurmayın… Dünyada, o cümlədən, Azərbaycan yollarında avtomobillərin maksimum yükgötürmə qabiliyyəti 12 ton nəzərdə tutulub. Amma bizdə reallıqda maşınlar 30 tondan çox yük aparırlar. Hər gün Azərbaycanda minlərlə "Shagman” normadan iki dəfə artıq yük daşıyır. Onları başa salmaq olmur ki, bu yol sənin yolundur, onu özün qorumalısan”.

Ancaq, əvvəla, bir kilometri 8-9 milyon dollara qədər şişirdilmiş smeta ilə yolu çəkəndə düşünmək lazım idi ki, buradan təkcə nəqliyyat boslarına məxsus avtomobillər yox, həm də yük avtomobilləri keçəcək. Ölkədə tikinti sektoru dinamik inkişaf edirsə, onda yüklərin daşınması təbiidir.

İkincisiyük maşınının tutumu nə qədərdirsə, o qədər də yük götürür. "Azəryolservis”in borcu idi ki, yolun tikintisində bunu nəzərə alsın.

elmeddin-muradliElə ekspert Elməddin Muradlı da yük maşınlarının yolu dağıtmasının bəhanə olduğunu açıqlayıb: "Yol çəkilişindən sonra müvafiq qurumlara dəfələrlə sorğular verib Bakı-Quba-Rusiya yolunun neçə tonluq yük maşınlarının hərəkətinə hesablanmasını açıqlamalarını xahiş etmişəm. Açıqlamayıblar, gizli saxlayıblar. Ümumi cavablar verib, yaxalarını kənara çəkiblər. Halbuki, bu məlumat açıq olmalıdır. Bu gün dünyada yol çəkilişi praktikası var. Məsələn, yol çəkilərkən nəzərə alınır ki, gələcəkdə 5 qat artıq yükə dözümlü olsun… Yəni yolu 5 dəfə artıq yükə dözümlü tikməlidirlər. Daha bizdəki kimi 3-5 il sonra dağılacaq qədər zəif tikilməməli idi… Digər tərəfdən, Bakı-Quba-Rusiya yolu ağır tonnajlı maşınlara görə dağılıbsa, bəs Bakı Dairəvi Yolunun Hövsan istiqamətində çəkilmiş beton yol niyə dağılır? Həmin yoldan ki, ağır tonnajlı maşınlar keçmir… Çünki yol çəkilişi məsuliyyətsizlik və nəzarətsizlik şəraitində aparılıb. Büdcədən yol çəkilişi üçün ayrılan pulların heç 30 faizi təyinatı üzrə xərclənməyib”.

Göründüyü kimi, ekspert yolu Cavid Qurbanovun iddia etdiyi kimi ağır tonnajlı maşınların deyil, korrupsiyanın dağıtdığı qənaətindədir. Bu korrupsiyada kimin nə qədər payı olduğunu isə hüquq-mühafizə orqanları ortaya çıxarmalıdır…

1526922525_1526907595_10

Ancaq bu zaman eyni zamanda yolun beton örtüyünün tikintisini həyata keçirən "AKKORD” Şirkətlər Qrupu da dıqqətdən kənarda saxlanılmamalıdır.

Məsələ ondadır ki, bir neçə il əvvəl "Olaylar” İA-nın yaydığı məlumata görə, Bakı-Quba-Rusiya yolunun 134,5 kilomterinin məhz "Akkord” Şirkətlər Qrupunun təşəbbüsü ilə betondan inşa edilməsi qərara alınıb. Həmin yolun 70 il davamlı olacağı bəyan edilibYolun həmin hissəsinin tikintisi üçün şirkətə 147 milyon manat ödənilib. Ancaq şirkət işləri keyfiyyətlə və tam şəkildə yerinə yetirməyib. Belə ki, məlumata görə, layihədə yolun beton örtüyünün xüsusi istilik sistemilə quraşdırılması nəzərdə tutulsa da, bu ideya reallaşmayıb və elə adi beton örtüklü yol çəkilərək istifadəyə verilib.

Açılışdan bir il sonra isə "AKKORD”un inşa etdiyi bu yolda iri çatlar əmələ gəlməyə başlayıb. Çökmələr əvvəl yolun Bakı-Sumqayıt hissəsində, sonra Siyəzən rayonundan keçən ərazisində baş verib. Araşdırma zamanı məlum olub ki, beton yolun tikintisində istifadə olunmaq üçün nəzərdə tutulan armatur toxunmalar satılıb və yol adi beton qarışıqla inşa olunub. Buna görə də yol hərəkət edən ağırtonluq yük maşınlarına tab gətirməyib çöküb. Çökən hissələr qazılıb, yolun beton döşəməsinin altına armatur toxunmalar tikilib və sonradan ərazi yenidən betonlanıb. Bu əməliyyat yolun çökmüş və çökməkdə olan 15-20 yerində aparılmışdı. Amma problem bununla bitmədi. "AKKORD” həmin yolu bütünlüklə armatur toxumalarla tikmədiyi üçün magistralın digər hissəsində çökmələr başladı. Və qısa müddət sonra beton yol tamamilə sıradan çıxaraq, indiki vəziyyətə düşdü. Uzun müddət idi ki, yolda betondan əsər-əlamət belə qalmamışdı.

1465457955sequence 01.still001_374

Yəni, dünyanın ən bahalı yollarından biri hesab edilən Bakı-Quba-Rusiya yolunun normal istismar müddəti heç 5 il belə çəkmədi. Ancaq qəribə də olsa, Azərbaycan dövlətinə 700 milyona başa gələn bu yolun dağılmasına görə heç kim məsuliyyətə cəlb olunmayıb. Ziya Məmmədov işdən çıxıb biznesi ilə məşğuldur, Cavid Qurbanov "səhv etmişik” deyib məsələni qapadıb, "Akkord”un isə heç adını da çəkən yoxdu.

Nə gözəl məmləkətdir, deyilmi?

Murad Məmmədov
AzPolitika.info

Xəbər 1581 dəfə oxunub






Oxşar xəbərlər

Odlar Yurdu Universitetində pedaqoji heyətin attestasiyası keçirilir
“Hökumət Buludu” hökumətə nə vəd edir?
Sabiq nazir ölkədən 14 milyon dolları NECƏ ÇIXARDI?
Makron Zelenski ilə razılaşdı: Putinlə görüş olacaq
Elçibəyin ailəsi Birinci vitse-prezidentə təşəkkür edib
VERGİLƏRİN SƏRTLƏŞƏN ÜZÜ… – Sahibkarların qorxusu əsaslıdırmı?
Saakaşvilidən Kiyev şəhəri ilə bağlı inanılmaz təklif
Aİ ayrı ölkələr üçün vizasız rejimi dayandıra bilər
Dünya çempionumuz yeni qurum yaratdı
Ağstafada qətliam qan davasıymış
Sabirabadda otyandıran manyak peyda olub
Türkiyə-ABŞ ziddiyyətinin əsas səbəbi iddia olundu
Eldar Sabiroğlu oğlundan imtina edib?
Qobu qəsəbəsində iki qardaş qonşular tərəfindən döyülüb
Sabirin büstü bu abırda - Cəlilabadda etiraz + FOTO
Qumarda borc aldığı 427 min dolları uduzdu
Gəncədə tanınmış idmançının oğlu 1 manata görə öldürüldü
Azərbaycanlı hakim UEFA-dan təyinat alıb
Kredit faizləri niyə yuxarıdır - ilginc faktlar
Dünyanın ən seksual qadını seçildi – FOTO
Qarabağda müharibə küləyi əsir - EHTİMAL
Ağstafada 8 nəfərin avtomatla güllələnməsiylə bağlı RƏSMİ AÇIQLAMA
Türkiyədə erməni dilində İLK KANAL AÇILDI: Ərdoğan da dəstəklədi - FOTO
Xırdalanda kişi 4-cü mərtəbədən yıxılıb
Türkiyə Silahlı Qüvvələri 77 PKK terrorçusunu zərərsizləşdirib
“Odlar Yurdu” Gənclər İB 7 yaşında
Tarixi debat bitdi, müzakirələr alovlandı - Video
Maykl Pompeo: ABŞ İranla müharibə istəmir
Pənah Hüseyn Surət Hüseynova od püskürdü: “... Qələt eləyir..”
“Neftçi” - “OİK-Xabarovsk” oyununun vaxtı dəyişdirilib
"AZTV"çilər Osman Nərimanoğlunu təhqir və təhdid etdi - Bu saytın fəaliyyəti qanunidirmi?
Yeni Zelandiyada güclü zəlzələ - sunami təhlükəsi var
Sakit Okeanda 6,1 bal gücündə zəlzələ olub
Azərbaycan, Rusiya və İran prezidentləri görüşəcək
NASA 2020-də Kosmosa turist yola salacaq
Ermənistanda icma başçısı güllələndi
"AXC Heydər Əliyevin təcrübəsindən istifadə edə bilmədi" - BAXCP sədri
"Bunu etsək, ermənilər Qarabağdan qaçacaq" - Rauf Arifoğlunun müsahibəsi - VİDEO
İsmayıllıda kafe yanıb
PEŞƏKARLARIN AŞAĞILANMASI… – “Belə elita ilə ölkədən əsər-əlamət qalmayacaq!”
Fuad Abbasovun səhhəti pisləşib
“Ermənilər Allahdan tələb etdi ki...”
YENİ: Azərbaycan ordusu erməniləri raketlə darmadağın etdi - VİDEO
Alim Qasımov kilsədə azan oxudu - Video
Mikayıl Cabbarov yenidən BF prezidenti seçildi
ŞOUPROBLEM! Nazilə uduzdu, yoxsa Xoşqədəm?!
Nazilə Xoşqədəmdən üzr istəməyəcəyini bəyan etdi
Bakı 5 saylı xəstəxanada rüşvət, özbaşınalıq, soyğunçuluq... - VİDEOLAR
Bugün Azərbaycanda Qurtuluş Günü qeyd edilir
Ədliyyə naziri Gəncədə vətəndaş qəbulu keçirdi
İsveçdə adaya 100 milyon kəpənək axın edib
Atəşkəs anlaşması qüvvəsini itirir - müharibə başlaya bilər
Baş nazirimiz Tacikistan Prezidenti ilə görüşüb
Həlimə Əliyevanın cənazəsi Kələkiyə göndərildi
Meray Kerinin intim görüntüləri üzə çıxdı - Video
Murad Köhnəqala azadlığa buraxıldı
Nazir jurnalistə qarşı iddiasını geri götürdü
Ədoğanın dəstəyi ilə Türkiyədə erməni telekanalı açılıb – “Luys” TV
ADAU-da Milli Qurtuluş günü ilə əlaqədar tədbir keçirilib
“Qan ver, yaşat!” Gəncə polisləri qan verdi
Oqtay Əsədov hirsləndi: Hadi müəllim, sizə də aiddir
Açıqlama: "Tankerləri ABŞ və İsrail partladıb"
Ankarada AXC-nin yaranmasının 101-ci ildönümü qeyd olunub
Ərdoğan Tacikistana səfər edib
“Yaltaq adam sonda mütləq əclaf olur…” (Şairlə Müsahibə)
ŞOK! Bakıda jurnalistin qızı və arvadı intihar etdi
Ornella Mutini həbs gözləyir
Nizami Cəfərov BDU-da kafedra müdiri seçildi
Vahid Əhmədov Lombardları sərt tənqid edib
Elçibəyin həyat yoldaşı vəfat edib - Türkiyədə

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    İyun 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.17583] initstartout [0.00016] initstartin [0.00065] calstart [0.00870] calend [0.00048] topnewsend [0.00355] rsssend [0.00000] ehgend [0.00691] tagsstart [0.00056] tag-initendin [0.00000] initendout [0.00001] weathend [0.00000] end [0.15480]