Bütün yenilikləri Facebook səhifənizdə izləyin. Yalnız "Bəyənirəm" edin.

22:57 - 16.07.2019  
Türkiyə siyasətinin yeni parlayan ulduzu Əkrəm İmamoğlu kimdir?
Tarix: 26-06-2019, 11:03 | Bölmə: Xəbərlər » Dünyada

İstanbulun yeni meri bir çox parametrlərinə görə hazırkı dövlət başçısı Ərdoğanla oxşardır

Türkiyə siyasətinin yeni parlayan ulduzu Əkrəm İmamoğlu kimdir?Türkiyə prezidenti Rəcəb Tayyib Ərdoğan 23 iyunda keçirilən seçkilərdə İstanbulun meri seçilmiş Əkrəm İmamoğlunu ikinci dəfə təbrik edib. 23 iyunda seçkilər başa çatdıqdan bir neçə saat sonra ilkin nəticələrə əsasən CHP namizədini qələbə münasibətilə təbrik edən Türkiyə prezidenti ötən gün partiyasının qrup toplantısında çıxış edərkən "CHP namizədi Əkrəm İmamoğlunu bir daha təbrik edirəm” deyib.

Ərdoğan söyləyib ki, İstanbul əhalisinin qərarının başımız üzərində yeri var. Eyni zamanda əlavə edib ki, 31 mart seçkilərində mübahisəli məqamlar olub, bələdiyyə məclisi üzvləri arasında çoxluğu AKP qazanıb. Ancaq əlavə edib ki, bu seçkidə İstanbul sakinlərinin seçimi dəyişib, 23 iyun seçkilərinin nəticəsi milli iradənin təcəssümüdür. Ərdoğan deyib ki, seçkilərin nəticəsi həm də hökumətə bir mesajdır, iqtidar bu mesajı nəzərə alacaq.

Bu açıqlama bir mənada 23 iyun seçkilərin nəticələrinin rəsmiləşməsi mənasına gəlir. Ərdoğan Türkiyənin prezidentidir və seçkilərin rəsmi nəticələri ona məlumdur, həm də hakim partiyanın sədri kimi nəticələri qəbul etdiyini göstərir. Artıq ötən gün İstanbul Vilayət Seçki İdarəsi seçkilərin nəticələrini rəsmən açıqlayıb. CHP namizədi Əkrəm İmamoğlu rəsmi nəticələrə əsasən səslərin 54,21 faizini, yəni 4 milyon 741 min 868 seçicinin səsini alaraq qalib gəlib. Onun rəqibi, AKP namizədi Binəli Yıldırım isə 44,99 faiz, yəni 3 milyon 935 min 453 səs alaraq ikinci olub. Bununla da iki namizəd arasında səs fərqi 31 martdakı 13 min səsdən 806 min 767 səsə yüksəlib. Türkiyə qanunlarına əsasən seçkilərdən sonra 2 gün ərzində tərəflərin etiraz haqqı var. Yəni iyunun 25-də saat 15-ə qədər tərəflərdən biri öz etirazını bildirə bilər. Ancaq Ərdoğanın açıqlaması seçkilərlə bağlı hər hansı etirazın olmayacağını artıq sabah saatlarından təsdiqlədi. Türkiyə mətbuatının yazdığına görə, iyunun 26-da Əkrəm İmamoğlu bələdiyyə sədri vəsiqəsini ala bilər.

Artıq yeni bələdiyyə sədrinin planı da bəllidir. "Sözçü” qəzetinin yazdığına görə, sədr vəsiqəsini aldıqdan sonra İstanbul böyük şəhər bələdiyyəsi binası qarşısında mitinq keçirəcək. Daha sonra isə İstanbul valisi, mayın 6-dan etibarən İstanbul bələdiyyə sədri vəzifəsini həyata keçirən Əli Yerlikayadan möhürü təhvil alaraq rəsmi olaraq fəaliyyətə başlayacaq.

Əkrəm İmamoğlu namizəd olarkən bir sıra kompleks vədlər verib. Bunlar aşağıdakılardır: İstanbulun nəqliyyat və tıxac probleminin həlli, İstanbulda yoxsulluğun aradan qaldırılması, həyat xərclərinin ucuzlaşdırılması, şəhər inşaatında planlaşma və ətraf mühit, tikinti və zəlzələ riskləri ilə bağlı problemlərin aradan qaldırılması, işsizlik problemlərinin həlli, yeni iqtisadi və sənayenin yaradılması, investisiya cəlbi, İstanbulun iqtisadi cəlbediciliyini artırmaq, həyat səviyyəsinin yüksəldilməsi, mədəniyyət, incəsənət və idman fəaliyyətlərini şəhərin bütün rayonlarına yaymaq.

Təbii ki, bu vədləri reallaşdırmaq elə də asan olmayacaq. Nəzərə almaq lazımdır ki, hazırda İstanbul bələdiyyəsi məclisində iqtidar koalisiyasının 180, müxalifətin isə təqribən 140-a yaxın üzvü var. Yəni İmamoğlunun ən ciddi müxalifəti Bələdiyyə Məclisində olacaq.

Ə.İmamoğlunun ikinci ciddi problemi bələdiyyədəki iqtisadi vəziyyətdir. İstanbul Böyük Şəhər Bələdiyyəsinin (İBB) may ayının rəsmi rəqəmlərinə görə, 500-ə yaxın firmaya 26 milyard 800 milyon lirə borcu var. Bunlardan 300-ü kiçik məbləğli borclardır.

İBB-nin builki büdcəsi 23.8 milyard lirədir. Buna əlavə olaraq 2.5 milyard lirə İETT (İstanbul Elektrik Tramvay ve Tünel İşletmeleri) və 8 milyard 501 milyon lirə həcmində İSKİ (İstanbul Su Kanalizasiya İdarəsi) büdcələri ilə birlikdə İBB-nin 2019-cu il büdcəsi 34 milyard 801 milyon lirəyə çatıb. Yəni təxminən büdcənin 75 faizi qədər borc var. CHP-nin bələdiyyə məclisindəki təmsilçisinin verdiyi məlumata görə, hazırda kiçik məbləğli borcların sahibləri demək olar ki, hər gün bələdiyyəyə gələrək borclarını tələb edir. Hər nə qədər İstanbul böyük və gəlirli şəhər olsa da, 26 milyard lirə (bu təxminən 4,5 milyard dollar edir hazırkı kursla - K.R.) dəyərində yığılmış borcu qəbul edəcək.

Türkiyə siyasətinin yeni parlayan ulduzu, Qərb mediasının yazdığı kimi, qarşıdakı 5 ildə Avropanın ən böyük şəhərinə rəhbərlik edəcək Əkrəm İmamoğlu bundan əvvəlki 5 il ərzində İstanbulun 39 rayonundan biri olan Beylikdüzündə bələdiyyə sədri olub. Yeri gəlmişkən, 31 mart seçkilərində Beylükdüzündə növbəti dəfə CHP namizədi 59 faizlə qalib gəlib.

İstanbulun yeni meri bir çox parametrlərinə görə hazırkı dövlət başçısı Ərdoğanla oxşardır. İqtisadiyyat təhsili alıb, gəncliyində futbolla məşğul olub, Quran oxuyur və Qara dəniz sahilindən, yəni Trabzondandır. Yeri gəlmişkən, seçki kampaniyası zamanı Yunanıstan mətbuatının İmamoğlu haqqında "Pontuis” sözü yazması ciddi mübahisələrə səbəb olub. İmamoğlunun yunan olması ittihamları ortaya atılıb. Hətta mübahisə o qədər böyüyüb ki, axırda Yunanıstan qəzeti təkzib açıqlaması yayaraq "Pontuis” sözünün yunancada "Qara dəniz sahilindən olduğuna işarə” olduğunu bildirib. İmamoğlu isə türk olduğunu bildirir.

Əkrəm İmamoğlu 1970-ci ildə Trabzonda dünyaya gəlib. İstanbul Universitetində menecment ixtisası üzrə təhsil alıb. 1992-ci ildə əmək fəaliyyətinə ailəsinə məxsus şirkətdə inşaat mühəndisi kimi başlayıb. Tezliklə şirkətin rəhbərliyinə gətirilib. Futbol həvəskarı olan İmamoğlu "Trabzonspor” futbol klubunun rəhbərliyində təmsil olunub. Eyni zamanda "Trabzonspor” basketbol klubunun qurucusu və sədr müavini vəzifəsini tutub. Daha sonra isə Beylikdüzü klubunun rəhbərliyində təmsil olunur. Bundan başqa, Atatürkçü Düşüncə Dərnəyi və daha bir neçə vətəndaş cəmiyyəti qurumlarında təmsil olunur.

İmamoğlu ənənəvi sekulyar CHP elektoratından deyil, sağ mühafizəkar cinahdandır. Yeri gəlmişkən, Türkiyənin hazırkı prezidenti və hakimiyyətdə təmsil olunan bir sıra şəxslər məhz İmamoğlunun mənsub olduğu Qara dəniz bölgəsindədir. İmamoğlu siyasi fəaliyyətə Turqut Özalın Ana Vətən Partiyasında başlayıb. Ailəsi dindar mühafizəkar olsa da, İmamoğlu universitet illərində sosial-demokrat camiəyə yaxınlaşıb. 2008-ci ildə isə aktiv siyasətə gələndə CHP-ni seçib. 2009-cu ildə Bəylikdüzü bələdiyyəsinə namizədliyini versə də, partiyadan namizədliyi qəbul olunmayıb. Ancaq bir neçə ay sonra CHP-nin Bəylikdüzü təşkilatına sədr seçilir. 2014-cü il bələdiyyə seçkilərində Bəylükdüzündən namizəd olub və 50,83 faiz səslə bələdiyyə sədri seçilib. Ailəlidir, 3 övladı var. 23 iyun seçkilərində qalib gələn İmamoğlu qarşıdakı 5 il ərzində Avropanın ən böyük şəhərini idarə edəcək.

"Yeni Müsavat”

Xəbər 523 dəfə oxunub






Oxşar xəbərlər

Dolların sabaha MƏZƏNNƏSİ
Metroda siqaret çəkən tapıldı və cərimələndi - FOTO
ƏSABƏLİ MUSTAFAYEV: “Avropa Məhkəməsinə göndərdiyim sənədlər “Azərpoçt”da oğurlanır”
Keşikçidağa giriş qadağan edildi - Gürcüstandan mühüm və zəruri addım
Mübariz Məsimov – Azərbaycanı evi sayan adam
Xalq Cəbhəsini kimlər və necə yaradıb?
Qüdrət Həsənquliyevlə şahmat arxasında MÜSAHİBƏ
AVRO-2020: Bilet sifarişində rekord qeydə alındı - 19,3 milyon
Saakaşvili gürcü və Azərbaycan xalqlarına müraciət etdi
Fazil Məmmədovun qohumu rəis təyin edildi
Gürcüstanla sərhəddə nə baş verir? - PROVAKASİYA
Almaniyanın müdafiə naziri istefa verəcəyini açıqlayıb
Polis Akademiyasının builki məzunlarıyla görüş keçirilib
"Huawei" ABŞ-da yüzlərlə işçisini ixtisar etmək niyyətindədir
Putinin müəllimi vertolyot qəzasında öldü
Şəki Xan Sarayında xəsarət alanların vəziyyəti açıqlanıb
İsrail Türkiyəyə gələn S-400-ləri izləyir - Foto
Yalçın Rzazadə Türkiyəyə aparıldı
MN: Cəbhə xəttində nisbi sakitlik müşahidə olunub
Göygöldə ANARXİYA - Arif Seyidov bələdiyyələrin əli ilə torpaqları talayıb
Şəki sakini sosial yardım ala bilmir - şikayət
ATV prezidentinin bank hesabından külli məbləğdə pul yoxa çıxıb
Göygöldə kasıbları aldadan "TORPAQ BARONLARI" bələdiyyədə torpaq qoymadı - VİDEOŞİKAYƏT + FOTOLAR
Mətbuat Şurasının sədri Baş Prokurora müraciət etdi
Baş Prokurorluq deputata CAVAB verdi
Nəriman Nərimanovun qardaşı oğlu gömrükçülər tərəfindən aldadıldı ?
Qubada qəbiristanlıqda top mərmiləri tapılıb
Eldar Əzizov keçmiş müavininə vəzifə verdi
Zahid Oruc "Gəncə hadisələri"ndən danışdı, spiker isə...VİDEO
Ekspertdən dollarla bağlı vacib açıqlama
Xüsusi notariuslar bu hallarda 500 manat cərimələnəck
“Bandotdel”ə yeni rəis təyin edildi
Məhkəmə-Hüquq Şurasının iclası keçirilib
Rəsulzadənin nəvəsi də "Cümhuriyyət 100" medalını aldı
8 nəfəri öldürən sürücü: “Az qalıb, 240-la gedəcəm"
Azərbaycanlı oliqarx 14.6 milyard pulu yola yox, depozitə yatırıb?
Qarabağ qazisinin oğlu Qarabağ qazilərini təhqir etdi (FOTO)
Vilayət Eyvazov rəisləri topladı
Lotu Quli gözlənilmədən Azərbaycana gəldi
GMO məhsullar süfrələrimizdə: yeyək, yeməyək?
Paşinyanın “Qarabağ klanı” ilə mübarizəsi həlledici mərhələdə
Azərbaycana nə qədər tursit səyahət edib?
Prezidentdən sərəncam: Yeni mərkəz yaradıldı
Bakıda "BMW X5" markalı avtomobil qəza törədib
Zahid Oruc yoxlamalara başladı
Bakıda polis rəisinin oğlu intihar etdi
Rusiyada azərbaycanlı vitse-admiralın büstü qoyulacaq
Fətullah Gülənin “Azərsu“ ASC-dəki “imamı” kimdir? – FOTO
Mehriban Əliyevadan Yalçın Rzazadə ilə bağlı TAPŞIRIQ
Kılıcdaroğluna Elçibəyin kitabı hədiyyə edildi (FOTOLAR)
Ermənilər Kəlbəcərdə partizan mərkəzi yaradıb
İrəvan metrosunun fəaliyyəti dayandırılıb
Azərbaycanın iqtisadi inkişafı sürətlə gedir
Nazir danışdı, müsahibəsi tərs yozuldu - Açıqlama
Sürət Hüseynov: "Mənə niyə demirdiniz, gədələr!" - VİDEO
Gəncədə 3 saylı Peşə Liseyi necə KORRUPSİYALAŞIB ?
Cinsi zəifliyin əlacı -ağ turp yeyin!
ŞİKAYƏT - Mirdamət Sadıqovun müavininin təhlükəli "qaz zapravka"sı
Şəhid xanımının bölməyə hücumunun görüntüsü yayıldı – VİDEO
Mədət Quliyev kadr islahatı aparır
Abel Məhərrəmovun Nabrandakı beş ulduzlu obyekti - FOTO
Abşeronda şəhid anasının evini başına uçurdular – VİDEO
Vilayət Eyvazovdan ilk TƏYİNAT
Dördqat Avropa çempionumuz intihar etdi
“Gedin, Etibar Məmmədovun fəaliyyətini təftiş edin”
Bakı-Ağstafa sürət qatarı ləğv edilir
Deputatdan Xəzəri hasarlayanlara sərt İTTİHAMLAR
Dövlət qulluğuna növbəti qəbul imtahanı keçiriləcək
Gürcüstan prezidenti Rusiya rəhbərliyinə müraciət edib
Cahangir Hacıyevin siyasi məhbus elan olunmasına SƏRT TƏPKİ

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    İyul 2019    »
BeÇaÇCaCŞB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.24284] initstartout [0.00021] initstartin [0.00116] calstart [0.01395] calend [0.00081] topnewsend [0.00573] rsssend [0.00000] ehgend [0.04431] tagsstart [0.00085] tag-initendin [0.00000] initendout [0.00002] weathend [0.00000] end [0.17577]