Putin azərbaycanlı bloqerin sualına cavab verdi

Rusiya hökuməti "Instagram” və "YouTube”u bağlamaq niyyətində deyil.

"Sputnik Azərbaycan” bildirir ki, bunu Rusiya prezidenti Vladimir Putin canlı yayım zamanı Azərbaycan əsilli rusiyalı bloqer Hüseyn Həsənovun Rusiyada bu serverlərin bağlanacağı ilə bağlı sualına cavab olaraq deyib.

Putin qeyd edib ki, bu serverlərin bağlanacağı ilə bağlı şayiələrin insanları narahat etməsini yaxşı başa düşür. O xatırladıb ki, xüsusi xidmət orqanlarında işləyib və bağlamağı hər şeydən yaxşı bacarır. Sivil həll yolu tapmaq isə çətindir.

Rusiya prezidenti əlavə edib ki, Telegram ətrafındakı vəziyyətdən xəbərdardır. Onun sözlərinə görə, hazırda insanların təhlükəsizliyi onu narahat edir.

"Xüsusi xidmət orqanlarının nümayəndələri Peterburq metrosundakı partlayışdan sonra kodlaşdırılma səbəbindən terrorçuların yazışmalarını izləyə bilmədiklərini deyəndə mən buna necə reaksiya verməliyəm? Axı insanların təhlükəsizliyi hər şeydən üstündür”, - Putin bildirib.