AK Partiya sədrinin l müavini Numan Kurtulmuş Gəncədə İmamzadəni ziyarət edib - VİDEO

Azərbaycanda səfərdə olan Türkiyənin Ədalət və İnkişaf Partiyasının (AK Partiya) nümayəndə heyəti və heyətə rəhbərlik edən AK Partiya sədrinin I müavini Numan Kurtulmuş bugün Gəncə şəhərində olub. 

"Demokratik.Az" bildirir ki, qardaş ölkədən təşrif buyuran qonaqlar daha öncə şəhər rəhbərliyinin müşaiyətilə 44 günlük vətən savaşında Ermənistanın Gəncəyə raket hücumlarının səbəb olduğu cinayət səhnələri ilə tanış olmaq üçün balistik raketlərin düşdüyü ərazilərə baxış keçirib. Numan Kurtulmuş və nümayəndə heyyəti daha sonra Gəncə İmamzadə Dini Kompleksini ziyarət ediblər.

Ali qonağı Qafqaz Müsəlmanları İdarəsinin səlahiyyətli nümayəndəsi, İmamzadənin ruhanisi Hacı Tahir Abbaszadə qarşılayıb və qonağa dini ziyarətgahın tarixi və özü barədə geniş məlumat verilib. 

Numan Kurtulmuş daha sonra İmamzadə ziyarətgahında namaz qılıb, dualar edib və yaradılan müasir şəraitə görə heyranlığını ifadə edib. Bundan başqa, türkiyəli qonaq Hacı Tahir Abbaszadəyə qonaqpərvərliyə görə təşəkkürünü bildirib.
Fəxri qonağa və həyat yoldaşına müqəddəs kitabımız olan Qurani-Kərim hədiyyə edilib.

Demokratik.Az