ŞOK! Azərbaycanlı jurnalistlər Qarabağı “Artsax” adlandıran ermənilərə NİYƏ reaksiya verməyib?

  • 25 noy 2019, 21:14

Demokratik.Az Ens.az saytına istinadən "Sputnik Ermənistan"ın yayımladığı " "Erməni qonşum da belə ləzzətli bişirirdi”: Qarabağ azərbaycanlı jurnalistləri təəccübləndirdi" başlıqlı rusca məqaləni tam şəkildə Azərbaycan dilinə tərcümə olunmuş halda oxucuların diqqətinə çatdırırıqıq.

Fikrimizcə, əlavə şərhə ehtiyac yoxdur.

Azərbaycan jurnalistləri noyabr ayının 17-dən 21-dək Ermənistan və Qarabağa səfər ediblər. Qondarma Dağlıq Qarabağ rejiminin jurnalistlər birliyinin sədri Kim Qabrielyan "Sputnik Ermənistan”-a verdiyi müsahibədə Xankəndi və Şuşaya səfəri haqqında hissləri və təəssüratlarından danışıb. Erməni və azərbaycan jurnalistlərinin "mübadiləsi” noyabr ayının 17-dən 21-dək Ermənistan, Qarabağ və Azərbaycanda baş tutub.            
Ermənistanın və qondarma Dağlıq Qarabağ rejiminin KİV nümayəndələri Azərbaycana yollandılar, Azərbaycan mediasının nümayəndələri isə Ermənistan və Qarabağa getdilər. Jurnalistlər Xankəndi və Şuşada bir gün keçirdilər. Qarşılıqlı görüşlər bitəndən sonra hər iki tərəf öz təəssüratlarını bölüşməyə başladılar.

 

Daha əvvəl Sputnik Ermənistan bu yaxınlarda Azərbaycanda olmuş məşhur müşahidəçi, "Şant” televiziyasının şərhçisi Artyom Yerkanyanın təəssüratlarını dərc etmişdi. Azərbaycanlı həmkarlarını müşayiət edən Qondarma Dağlıq Qarabağ rejimi jurnalistləri birliyinin sədri Kim Qabrielyan Sputnik Ermənistan-a verdiyi müsahibəsində təəssüratlarından danışıb.

"Əvvəlcədən hazırlanmış marşrutla bir-birimizlə yarım gün ünsiyyətdə olduq. Elə təəssürat yaranmışdı ki, onlar xalqlar arasındakı problemləri Azərbaycan mediasında əks olunandan daha dərin görürlər”, - Qabrielyan qeyd edib.

Azərbaycan tərəfindən Ermənistana "Trend” informasiya agentliyinin baş redaktoru Elçin Vəliyev, "1news.az” saytının müxbiri Elşən Rüstəmov və "Vestnik Kavkaza”nın Azərbaycandakı müxbiri Orxan Yolçuyev gediblər. Onlar əvvəlcə Şuşanı, sonra isə Xankəndini ziyarət ediblər. Qabrielyanın sözlərinə görə, jurnalistlər şəhərlərdəki həyatın sürətlə davam etdiyinə heyran qalıblar: yeni binalar və müəssisələr tikilir, gənclər küçələrdə gəzirlər. "Mən sonrakı məqalələrin başqa məcrada olacağına təəccüblənməyəcəm. Amma insanlıq nöqteyi-nəzərindən onlar açıq-aşkar təsirlənmişdilər”, - Qabrielyan bildirib.

Şuşada azərbaycanlılar Yeznik Mozyan adına məktəbi, geologiya və təsviri sənət muzeyini ziyarət etdilər, Qarabağda məscidlərin yaxşı vəziyyətdə qalmasına təəccübləndilər. Xankəndində onlar "TUMO” kreativ texnologiyalar mərkəzində oldular, separatçı rejimin yerli jurnalistlər və ictimai təşkilatların nümayəndələri ilə nahar etdilər.

"Göyərti ilə çörəyi çox bəyəndilər. Bu yeməyi dadandan sonra onlardan biri qeyd etdi ki, Qarabağın ətri hiss olunur, digəri isə öz növbəsində bişirilmə resepti ilə maraqlandı. Ümumilikdə, erməni mətbəxi onların xoşuna gəldi. Azərbaycan jurnalistlərindən biri özünün uşaqlığını xatırladı: onun erməni qonşuları Bakıda da belə dadlı yemək bişirirdilər. Sonra Bakıda doğulmuş yerli jurnalistlər Azərbaycanın paytaxtında xatırladığı mağaza və ya abidələrin hələ də saxlanılması barədə maraqlandılar.

Azərbaycan jurnalistləri sakitcə Qarabağın paytaxtını "Stepanakert” adlandırırdılar, buna baxmayaraq "respublika”nın sakinləri öz ölkələrini "artsax” adlandırdıqda, heç bir narazılıq bildirmirdilər. Onlar həmçinin həmkarları ilə razılaşdılar ki, Azərbaycan mediasında "düşmən” sözü çox tez-tez istifadə edilir, halbuki Azərbaycan haqqında erməni mediası ya "rəqib”, ya da "qonşu” sözlərindən istifadə edir.

Görüş zamanı hər iki tərəf bir sıra təkliflər səsləndirdilər. Kim Qabrielyanın özü azərbaycanlı həmkarlarına Xankəndində müxbir məntəqələri və Bakıda da qarşılıqlı informasiya üçün nümayəndəliklər yaratmağı təklif etdi. Azərbaycan jurnalistləri öz növbəsində qeyd etdilər ki, hər iki ölkənin təkcə jurnalistləri ilə deyil, həmçinin həkim, ziyalılar, iqtisadçılar və proqramçılarla da görüşmək xoş olardı. Dünyanı tanımaq və dünyanı məhv edən problemləri müəyyən etmək üçün hər şeydən əvvəl bir-birimizi tanımalıyıq - Qabrielyanın sözlərinə görə erməni və Azərbaycan jurnalistləri arasındakı görüşün sonunda əldə edilən nəticə məhz budur.

"Qonşu ölkədə buna hazırdılar ya yox, bunu zaman göstərəcək", - o, yekunlaşdırıb.

Son dəfə oxşar press-tur 2002-ci ildə təşkil olunub. İlham Əliyev prezident olduqdan sonra media nümayəndələrinin qarşılıqlı səfərləri dayandırılıb.

Mənbə: Sputnik Ermənistan

Oxşar xəbərlər