Xəbər lenti
Bütün xəbərlər

Rusiya XİN Dilqəm Əsgərovu bloger Lapşinlə müqayisə etdi

  • 25 apr 2017, 08:18

Rusiya Xarici İşlər Nazirliyi (XİN) virtualaz.org-un bu ölkənin vətəndaşı Dilqəm Əsgərovun müdafiəsi üçün hansı tədbirlər görməsi ilə bağlı sorğusunu cavablandırıb.
Rusiya XİN-dən verilən məlumata görə, nazirliyin İnformasiya və mətbuat departamentinin direktor müavini Artyom Kojin "Lapşinin ətrafında yaranan vəziyyət fonunda dəfələrlə bildirilib ki, Rusiya XİN məsələni nəzarətdə saxlayır və onun hüquqlarının qorunması üçün əlindən gələni edir. Bu səbəbdən bilmək istərdik ki, Rusiya XİN qondarma "DQR” məhkəməsi tərəfindən 2014-cü ilin dekabrında ömürlük həbs cəzası verilən vətəndaşı Dilqəm Əsgərovun müdafiəsi üçün hansı tədbirlər görür?" sualına cavabında bildirib ki, onlar virtualaz.org-un Rusiya vətəndaşlarına qarşı qayğısından çox məmnundurlar: "Rusiya XİN davamlı olaraq milliyyətindən asılı olmayaraq bütün rusiyalıların qanuni maraqlarını müdafiə edib”.
Sorğuda qeyd olunub ki, münaqişəyə görə Rusiya vətəndaşlarına Dağlıq Qarabağ zonasına səfər etməmək tövsiyə olunur: " Adıçəkilən tövsiyə nazirliyin saytında yerləşdirilib. O ki qaldı Dilqəm Əsgərova, o Lapşin kimi həmin tövsiyəyə əməl etməyib”.
Kojinin adından yayılmış cavabda, həmçinin, vurğulanıb ki, Rusiya dövlət orqanları ölkə xaricində vətəndaşlarının hərəkətlərini tam izləyə bilməz.
Məlumatda "bu hadisədə müəmmalı amillər mövcud olduğu” qeyd edilib, "rəsmi Bakının Rusiya vətəndaşının münaqişə zonasına səfər etməsindən xəbərdar olub, olmadığı” ilə bağlı məlumatsızlıq ifadə olunub: "Hər halda onun şəxsiyyət vəsiqəsinin surətini biz məhz Azərbaycan hökumətindən almışıq”.
Kojinin "Dilqəm Əsgərovun Rusiya XİN-in tövsiyələrinə əməl etməməyə vadar edilmədiyini bilmədiyini” də qeyd edib.
Bəyanatıən sonunda Rusiya XİN nümayəndəsi haqqin.az və virtualaz.org saytlarını açıq-aşkar Dilqəm Əsgərovun ətrafında "təbliğat hay-küyü” yaratmaqda günahlandırıb:
"Əgər Azərbaycan KİV, o cümlədən məlum rəsmiyyətçi "Haqqın” internet portalı D.Əsgərovun taleyindən səmimi olaraq qayğılanırlarsa, ilk növbədə onun işi ətrafında təbliğatçı hay-küyü dayandırmalıdırlar. Bu, bizim humanitar əsaslarla həmin Rusiya vətəndaşının iqsmətini yüngülləşdirmək üzrə səylərimizə ciddi mane olur”, - bəyanatda deyilir.

 

Demokratik.Az

Oxşar xəbərlər