Elşad Nuriyev İqtisadi Zonaların İnkişafı Agentliyinin İdarə Heyətinin sədri oldu

İqtisadiyyat Nazirliyinin İqtisadi Zonaların İnkişafı Agentliyinin İdarə Heyətinin sədri vəzifəsinə təyinat olub.
Demokratik.Az Oxu.Az-a istinadən xəbər verir ki, bu vəzifəyə Elşad Nuriyev təyinat alıb.
Qeyd edək ki, o, agentliyin İdarə Heyətinin sədri vəzifəsini icra edirdi.
Bu təyinata qədər Elşad Nuriyev “Sumqayıt Kimya Sənaye Parkı” MMC-yə rəhbərlik edib. Elşad Nuriyev “bp Azərbaycan”da, “Azpetrol”da və ADA Universitetində çalışıb, müxtəlif kənd təsərrüfatı və sənaye holdinqlərində rəhbər vəzifələrdə işləyib.