Baş nazir it, pişik saxlama qaydalarına dəyişiklik etdi

Baş Nazir Novruz Məmmədov Nazirlər Kabinetinin bir sıra qərarlarında dəyişiklik edib.

Dəyişikliklər Azərbaycanda arıçılıq sahəsində inkişafı təmin etmək üçün olunub.

 "Azərbaycan Respublikasında arıçılıqla bağlı bəzi normativ hüquqi aktların təsdiq edilməsi haqqında” Nazirlər Kabinetinin 2009-cu il 5 avqust tarixli 116 nömrəli Qərarında aşağıdakı dəyişikliklər edilib:

- həmin Qərarla təsdiq edilmiş "Arıxanalara baytarlıq-sanitariya pasportunun (şəhadətnaməsinin) verilmə Qaydası və Forması”nın 1.3-cü bəndində "Dövlət Baytarlıq Nəzarəti Xidməti” sözləri "Aqrar Xidmətlər Agentliyi” sözləri ilə əvəz edilib; 

"Azərbaycan Respublikasının yaşayış məntəqələrində it, pişik və ya digər ev heyvanlarının saxlanması Qaydaları”nda aşağıdakı dəyişikliklər edilib: 

-    4.6-cı bənddə "Baytarlıq Xidməti” sözləri "Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyi” sözləri ilə əvəz edilib; 

-    5.1.3-cü yarımbənddə və 11.1-ci bənddə ismin müvafiq hallarında "Dövlət Baytarlıq Xidməti” sözləri ismin müvafiq hallarında "Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyi” sözləri ilə əvəz edilib. 

Analoji dəyişikliklər  "Azərbaycan Respublikası Kənd Təsərrüfatı Nazirliyinin tabeliyindəki bəzi qurumların fəaliyyətinin təkmilləşdirilməsi haqqında”, "Azərbaycan Respublikası Kənd Təsərrüfatı Nazirliyinin kollegiyasının tərkibi haqqında” , "Süni mayalanma yolu ilə alınmış hər buzova görə subsidiyanın verilməsi Qaydası”, "Azərbaycan Respublikası ərazisində hüquqi və fiziki şəxslərə məxsus traktor, özüyeriyən maşın və mexanizmlərin texniki vəziyyəti və istismarı üzərində dövlət nəzarəti haqqında” qərarlarda da edilib.