Bərdədə güclü külək bir neçə kəndi işıqsız qoyub

  • 04 dek 2015, 08:35
Bərdənin Qaradırnaq, Hacılar, Arabaçılar, Qaratəpə, Göyüşlü kəndləri işıqsız qalıb. Güclü külək nəticəsində elektrik dirəkləri aşıb. 

Dünən saat 18:00-dan etibarən əhali işıqsız qalıb. Mustafaağalı kənd sakini Nicat Qasımov bu barədə musavat.com-a məlumat verib.

Axşam saatlarından başlayan güclü külək taxtadan düzəldilmiş bir neçə tövlənin damını uçurub. Mal-qara çöldə qalıb. Hazırda əhali evlərin damlarının uçmaması üçün qabaqlayıcı tədbirlər görür.