MİDA-nın qalmaqallı mənzilləri nə qədər ucuzdur?

Xəbər veridyimiz kimi, Mənzil İnşaatı Dövlət Agentliyinin (MİDA) ötən gün satışa çıxardığı “Güzəştli mənzillər”lə bağlı hər zaman olduğu kimi, bu dəfə də narazılıqlar yarandı. 442 mənzilin cəmi 5 saniyəyə satılması, üstəlik, hakerlərin ələ keçirdiyi mənzilləri otaqların sayına görə 5-10 min bahasına təklif etməsi ciddi müzakirə mövzusudur.
Bəs görəsən MİDA-nın mənzillərinin qiyməti ilə bazar qiyməti arasında fərq nədir?
Demokratik.Az MİDA-nın satışa çıxartdığı mənzillərin qiymətini təqdim edir:
1 otaq (35 kv.m) – 33.222 manat, endirimlə 29 900 manat, ipoteka ilə aylıq ödəniş 143-145 manat;
2 otaqlı (56 kv.m) - 53 941 manat, endirimlə 48 547 manat, ipoteka ilə aylıq ödəniş 232 manat;
3 otaqlı (75 kv.m) - 69 084 manat, endirimlə 62 176 manat, ipoteka ilə aylıq ödəniş 297-314 manat;
4 otaqlı (96,6 kv.m) - 91 770 manat, endirimlə 82 593 manat, ipoteka ilə aylıq ödəniş 394 manat.
Bu mənzilləri almaq üçün ilkin ödəniş mənzilin dəyərinin 10%-dir, ipoteka ilə 3-30 il müddətində illik faiz dərəcəsi 4% olmaqla verilir.
Bakıda bazar qiymətləri isə belədir (yerinə görə dəyişir):
Köhnə binalarda
1 otaqlı (30 kv.m) - 50-75 min manat;
2 otaqlı (45 kv.m) - 70-120 min manat;
3 otaqlı (65 kv.m) - 80-160 min manat;
4 otaqlı (80-85 kv.m) - 100-180 min manat.
Yeni tikili binalarda (orta qiymət)
1 otaqlı – 100 min;
2 otaqlı – 130 min;
3 otaqlı – 160 min;
4 otaqlı – 200 min manat.