Yardımlıda yaşayan idmançı-qazimiz də işsizdir - FOTOLAR

Demokratik.Az-ın məlumatına görə, Mirzəzadə İdris Mirhüseyin oğlu 1999 cu ildə Yardımlı rayon Köryədi kəndində anadan olub. 2016-2020-ci illərdə Lənkəran Dövlət Universitetinin "Torpaqşunaslıq və aqrokimya mühəndisliyi" fakultəsində təhsil alıb. 2018-ci ilin dekabrında keçirilən BUDO dünya çempionatında dünya çempionu olub. 2018-19-cu illərdə müxtəlif vaxtlarda Avropa və Asiya Çempionu, karate döyüş növü üzrə yarışlarda zona çempionu adını qazanıb. 1999-cu ildə H. Əliyevin 96-cı il dönümünə dair keçirilən Respublika üzrə turnirdə də qızıl medal qazanıb. 2020-ci il iyun ayında hərbi xidmətə gedib. Hərbi xidməti zamanı 44 GÜNLÜK VƏTƏN SAVAŞIna qatılıb, Xocavəndin və Ağdamın azad edilməsindəki döyüşlərdə fəal iştirak edib. Ali baş komandan tərəfindən müvafiq medallara layiq görülüb. Cari il yanvarı 1-də hərbi xidməti başa vuraraq təxris olunub.

Saytımızın əldə etdiyi məlumata görə, idmançı-qazimiz doğma Yardımlı rayonunda özünə münasib iş axtarır. İnanırıq ki, yerli icra hakimiyyəti və digər aidiyyatı qurumlar İdris Mirzəzadənin tezliklə işlə təmin olunması üçün zəruri addımlar atacaq. Yetər ki, qalib dövlətin rəhbərliyinin aşıladığı sosial müdafiə tədbirləri, şəhid ailələri və müharibədə əlil və qazi olan gənclərimizə müxtəlif təminat və sosial qayğı bütün yerli məmurların əməlləri üçün də prioritet ola...