Binə İşıq idarəsinin həyətində milli qəhrəman Xəqani Aslanovun xatirə lövhəsi asıldı - VİDEO

Xəzər rayon Binə qəsəbəsində şəhid milli qəhrəman Xəqani Aslanovun xatirəsinin əbədiləşdirilməsi məqsədilə yeni addımlar atılıb. Xüsusilə də sözügedən məsələ “Azərişıq” ASC-nin Xəzər rayon Elektrik Şəbəkəsinin işciləri və rəhbərliyi tərəfindən diqqətdə saxlanılıb.
“Demokratik.Az”-a qəsəbə sakinlərindən verilən məlumata görə, Binə Enerji Satışı və Təchizatı Sahəsinin həyətində şəhid Xəqani Aslanovun adına olan xatirə lövhəsi hazırlanaraq istifadəyə verilib.
Xatirə lövhəsində təkcə şəhid Xəqani Aslanovun deyil, Binə qəsəbəsindən olan digər şəhidlərimizin də şəkilləri və zəruri məlumatlar əks olunub.
Xatırladaq ki, milli qəhraman Xəqani Aslanov 1992-ci il fevralın 26-da Xocalı uğrunda gedən döyüşlərdə qəhrəmancasına şəhid olub. Eləcə də onun digər qardaşları da birinci Qarabağ savaşında vətən uğrunda həlak olublar.
Allah bütün şəhidlərimizə rəhmət eləsin.
Şəhidlər ölməz VƏTƏN bölünməz!

Demokratik.Az