Demokratik TV
Göygölün Kərəmli kəndində məmur təxribatı - İqbal Əliyev şikayətçini qadınlara döydürdü
Göygöl rayonunun Kərəmli kəndində ağlasığmaz məmur təxribatı baş verib. Belə ki, kənd sakini, Şəmkir Regional Meşə Təsərrüfatı Mərkəzinin direktoru İqbal Əliyev öz həmkəndlisini döydürüb.

Olay şahidlərinin və zərərçəkmişin sözlərinə görə, hadisə zamanı kənardan göstərişlər verən və qarşı tərəfə küçə söyüşləri söyərək oğluna yumruq-təpik atmaq əmri verən təşkilatçı məhz İqbal Əliyev olub. Aşura günü qadınların "arxasında" gizlənib belə biabırçı və arzuolunmaz əməl törədən, kriminal qarşıdurmaya şərait yaradan dövlət məmurunun əsl niyyəti də bəlli olub.
ŞƏKİLDƏ - İqbal Əliyevin Kərəmli kəndindəki evi...

Onu da bildirək ki, son günlərdə şikayətçilərin müraciətləri əsasında bir sıra KİV orqanlarında İqbal Əliyevin meşələri qırmasından və hektarlarla meşəlik ərazidə əməlli-başlı "bazar" açmasından, dövlət proqramlarını axsatmasından, rüşvət və korrupsiyaya meydan açmasından, dövlət əmlakını talamaqla milyonluq mal-mülklərə sahib olmasından silsilə yazılar yayımlanır. Əsas şikayətçilərdən biri isə məhz Kamil Zeynalovdur.
Hazırda Göygöl Polisi olaydan zərər çəkən Kamil Zeynalovun şikayəti əsasında müvafiq araşdırma aparır. İnanırıq ki, dövlət məmurunun sifarişilə törədilən cinayət əməlinə düzgün hüquqi qiymət veriləcək, prezidentin tövsiyyə və tapşırıqlarının əksinə olaraq nə özü, nə də övladı cəmiyyətə nümunə ola bilməyən İqbal Əliyevin yekəxanalığı Ekologiya və Təbii Sərvətlər Nazirliyinin də diqqətindən yayınmayacaq!
(əlavə məlumatlar verəcəyik)
Demokratik.Az
