Araik Arutyunyanın “buynuzu qaşındı” – Qarabağ terrorçusu sayıqlayır

Qarabağdakı separatçı-terrorçu dəstənin başçısı Araik Arutyunyan cəzalandırılmadığını gördükcə, növbəti hoqqabazlığığını davam etdirir.
Belə ki, özünü “artsax prezidenti” sayan bu quldur özünə tay birisini – general-mayor Aşot Akopcanyanı 44 günlük savaşdan sonra tarixin arxivinə göndərilmiş qondarma qurumun “milli təhlükəsizlik xidməti”nin “direktoru” təyin edib. Ararat Melkumyan isə onun “müavini” olub. Bildirilir ki, bundan əvvəl həmin vəzifədə Kamo Ağacanyan olub, 2020-ci ilin dekabrında isə “xüsusi tapşırıqlar üzrə səfir” təyin edilib.
Cəhənnəmə göndərilmiş quruma “yeni təyinatları” ilə A.Arutyunyan “buynuzunu çobanın çomağına sürtən keçi”ni xatırladır. Ötən həftə Xankəndidə icazəsiz yürüş təşkil edən baş terrorçu indi də “kabinet” qurur. Barəsində bir neçə maddə ilə cinayət işi açılmış bu quldur, belə görünür ki, reallıq hissini tam itirib.