Qaradağda avtomaşın cərimələndi - əlavə avadanlıq niyə sökülmədi?

Qaradağ rayon DYP postunda sərnişindaşıma fəaliyyətilə məşğul olan MERSEDES-Sprinter markalı, "AZ 20-CV-649" dövlət nömrə nişanlı avtomaşın saxlanılaraq cərimələnib. Cəriməyə səbəb avtomaşının salonunda quraşdırılmış əlavə avadanlığın (divan) müəyyənləşdirilməsi olub. Lakin, postun əməkdaşları qanunvericiliyin digər tələblərini pozaraq maşının nöqsanını aradan qaldırmadan sərbəst buraxıb.
Bu barədə Demokratik.Az- a danışan sürücü Anar Abbasov hüququnun pozulduğunu, postda ayrıseçkiliyin olduğunu deyib. Sürücü bildirib ki, digər maşınlara qarşı hər saat cərimə yazılmır, bu cərimə isə onun üçün artıq ikinci haldır.
Doğrudan da müəmmalıdır ki,
Əgər 160 manat nəzərdə tutulan cərimə düzgün tərtib edilmişdirsə, maşında quraşdırılan divan oturacağı niyə sökülmədən yoluna sərbəst davam edib?
Hadisə bugün 18:19- da qeydə alınıb.
İnanırıq ki, hadisənin araşdırılması və postun özbaşınalığı DİN- in diqqətini çəkəcək.