Demokratik.Az » Xəbərlər » Ölkə içi » ŞOK! Qarabağa göndərilən Rusiya sülhməramlılarını niyə Araik Arutyunyan qəbul edib?

ŞOK! Qarabağa göndərilən Rusiya sülhməramlılarını niyə Araik Arutyunyan qəbul edib?

  • 13 noy 2020, 22:32
Bugün - noyabrın 13-də Qarabağda sülhməramlı missiya yerinə yetirəcək rus hərbçilərinin rəhbəri, general Rüstəm Muradov qondarma Dağlıq Qarabağın separatçı lideri Araik Arutyunyanla görüşüb. Bu barədə Qarabağdakı xuntanın rəhbəri Araik Arutunyan özü məlumat yayıb.
Terrorçu-separatçı lider yazıb: "Bu gün atəşkəs rejiminə nəzarətə gələn Rusiya sülhməramlılarının komandiri general-leytenant Rüstəm Muradovu qəbul etdim. Görüş zamanı sülhməramlı rus ordusunun məsuliyyətli missiyasının həyata keçirilməsi ilə bağlı xüsusi suallarla bağlı fikirlərimizi bölüşdük".
"Demokratik.Az" xatırladır ki, bu hal Azərbaycanın hərb yolu ilə Ermənistanı sülhə məcburetmədə, noyabrın 10-da imzalanmış üçtərəfli bəyanatda yer alan mahiyyətlə bir araya sığmır. Görüş Azərbaycan tərəfinin Qarabağın tam mənada işğaldan azad edilməsi barədə səsləndirdiyi rəsmi mövqeyinə, gələcək perspektivlərə, xüsusilə Rusiyanın sülhməramlı missiyasına olan inam və ümidlərimizə qarşı ziddiyyətlərə yol açır.
Onu da bildirək ki, özünü "Artsax prezidenti" kimi təqdim edən Araik Arutunyan Azərbaycan ərazisində separatçılıqla məşğul olan cinayətkar kimi Azərbaycan tərəfdən beynəlxalq axtarışa da verilib. Belə olan halda isə, Rusiya sülhməramlı missiyasının rəhbərinin onunla rəsmi görüş təyin etməsi, hələ də erməni tapdağında olan Qarabağ ərazisində milliyyətçi-terrorbaşı Arutyunyanın "ev sahibliyi" etməsi dəhşətli suallar doğurur...
Demokratik.Az
 
Oxşar xəbərlər