Ermənistan Tovuzla sərhəd ərazilərdə interneti qapatdı

Ermənilər Azərbaycanın Tovuz rayonu ilə sərhəddə yerləşən yaşayış məntəqələrində internetin verilişini dayandırıblar.
Bunun səbəbi Ermənistan silahlı qüvvələri bölmələrinin Azərbaycan-Ermənistan sərhədindəki təxribatı nəticəsində verdikləri itkini, bunların fonunda yaranan panikanı ört-basdır etmək, geniş kütləyə yayılmasının qarşısını almaqdır.
Məlum olduğu kimi artıq iki gündür ki, xüsusilə Qərb bölgəsində yaşayan ermənilər arasında ciddi panika yaşanır. Rəsmi İrəvan Azərbaycan Ordusunun rəşadətli əks-hücumu zamanı verdikləri çoxsaylı itkini gizlətsə də, ermənilər bununla bağlı sosial şəbəkələrdə paylaşımlar edir, hətta ölümlərin sayını belə yazırlar.
Bu kimi informasiyaların yayılmasının qarşısını almaq üçün isə Ermənistan əraziyə internetin verilişini dayandırıb.