Xəbər lenti
Bütün xəbərlər

Sürücülər “Gəncə – Ekspress” ASC-dən pul tələb edir - ŞİKAYƏT ƏSASLIDIRMI?

  • 30 may 2020, 13:26
Bir qrup sürücü “Gəncə- Ekspress” ASC-dən pul tələb edir. Şikayətçilər iddia edirlər ki, sözgedən müəsissənin rəhbəri Eltac Əliyev postpandemiya dövründə dövlətin sahibkarlara və əmək kollektivlərinə ayırdığı (aprel və may ayları üçün) maddi yardımı mənimsəyərək onların hüquqlarını pozub.
Demokratik.Az-ın məlumatına görə, şikayətçi sürücülər ölkə rəhbərliyini problemin həllinə çağırıb, ayrılan puldan onlara düşən payın müəyyənləşdirilməsini istəyiblər. onlara qarşı edilən haqsızlıqın aradan qaldırılnasını xahiş edirlər.
Məlum müraciətlə bağlı hazırda Gəncə Baş Polis İdarəsində araşdırmalar aparıldığı, sürücülərdən izahatlar alındığı bildirilir.
İlkin ehtimala görə, sahibkar müəssisənin sürücülərə maddi yardım göstərməməsinin səbəbi onların gündəlik müqavilə şərtləri əsasında sərnişindaşıma ilə məşğul olmalarıdır. Görünür, sürücülərin “Gəncə- Ekspress” ASC ilə aralarında hər hansı DAİMİ əmək müqavilələrinin olmaması şirkəti məlum maddi öhdəliklərdən yayındırıb. Və yəqin ki, şikayətçilərin adından şirkətə hər hansı maddi vəsait də ödənilməyib. Əksinə, ödənilibsə və sürücülərə çatacaq pul mənimsənilibsə, təbii ki, bu artıq kobud maliyyə fırıldaqçılığı, maliyyə cinayətidir.
“Gəncə – Ekspress” ASC-nin nərazı kollektivinin videomüraciətlərini təqdim edirik.

Redaksiya olaraq qarşı tərəfin mövqeyini dərc etməyə çalışacağıq!
Bildirək ki, şikayəti və məlumatları Dünyanınsəsi.az saytı yayıb.
Demokratik.Az
Oxşar xəbərlər