Milli Məclisin plenar iclası başladı -Sədr deputatlara səsləndi

Milli Məclisin plenar iclası Sahibə Qafarovanın sədrliyi ilə öz işinə başlayıb. Xanım sədr çıxışında bir məsələni diqqətə çatdırdı. O bildirdi ki, mayın 15-də plenar iclas zalında, Milli Məclis Aparatının rəhbəri və digər məsul şəxslərlə birlikdə Bakı, Sumqayıt, Abşerondan olan deputatların köməkçiləri ilə görüşüb. S.Qafarova bildirdi ki, karantin dövrü olduğundan digər rayonlardan olan deputat köməkçilərini görüşə dəvət etməyi məqsədəuyğun saymayıb. Ancaq onlarla da videokonfrans şəklində əlaqə saxlanılacaq.
Sədr dedi ki, insanları narahat edən problemlərin ortaya çıxarılması, onların lazımi ünvanlara çatdırılması deputatın bir saylı vəzifəsidir və bu məsələdə deputat köməkçilərinin üzərinə böyük məsuliyyət düşür.
S.Qafarova sonda öz köməkçilərinin namizədliyini hələ də müəyyənləşdirməyən deputatlara bununla bağlı qərar vermələrini xahiş etdi.