Vilyam Hacıyevə həbs qərarı və İttihamlar elan olundu

Ötən gün DTX-nın məlum əməliyyatı nəticəsində saxlanılmış İmişli rayonunun sabiq başçısı barəsində həbs qətimkan tədbiri seçilib.
Sabiq başçı Vilyam Hacıyev barəsində Dövlət Təhlükəsizliyi Xidmətinin təqdimatı ilə Səbail rayon Məhkəməsinin qərarı ilə 4 ay müddətibə həbs qətimkan tədbiri seçilib. Ardınca, məlum olub ki, Vilyam Hacıyevə qarşı Cinayət Məcəlləsinin bir neçə ağır maddəsi ilə ittiham irəli sürülüb.
V. Hacıyev rayon ərazisində fərdi sahibkarlıq fəaliyyəti ilə məşğul olan şəxslərdən müxtəlif adlar altında pul tələb etməkdə, dövlət büdcəsindən təmir-tikinti, abadlıq işlərinə ayrılan vəsaitləri mənimsəməkdə, rayon ərazisində torpaq sahələrini özbaşına tutaraq şəxsi məqsədlər üçün istifadə etməkdə, ayrı-ayrı vətəndaşların adına açılmış əmək haqqı kartlarına köçürülən pulların nağdlaşdırılmasında ittiham edilir.
Ona qarşı vəzifə səlahiyyətlərindən sui-istifadə etmə, külli miqdarda təkrar rüşvət alma və mənimsəmə maddələri ilə cinayət işinin istintaqı aparılır.
Demokratik.Az