Xəbər lenti
Bütün xəbərlər

Cavid Qurbanovun mandatına yürüyən icra başçısı məzuniyyətə çıxır

  • 06 yan 2020, 20:34
Kəlbəcər Rayon İcra Hakimiyyətinin başçısı Aqil Məmmədovun 9 fevral 2020-ci ildə keçiriləcək növbədənkənar parlament seçkilərində iştirak etmək üçün 123 saylı Kəlbəcər Seçki Dairəsindən namizədliyi qeydə alınıb.
Bu barədə Modern.az-a icra başçısı özü məlumat verib.
A.Məmmədov imzatoplama kampaniyasında ona dəstək olan hər kəsə təşəkkürünü bildirib: "Bəzən işlərin çoxluğundan vətəndaşlarla şəxsən görüşə bilmirdim. Yeni Azərbaycan Partiyası tərəfindən müəyyənləşdirilmiş şəxslər bu işdə aktiv fəaliyyət göstərdilər. Bizim yaşadığımız ərazidə də oldular. El ağsaqalları öz xeyir-duasını da verdi. Hamımız üçün uğurlu olsun inşallah”.
İcra başçısı qeyd edib ki, yanvarın 7-dən etibarən məzuniyyətə çıxacaq: "Sabahdan etibarən öz hesabıma məzuniyyətə çıxıram. Bu müddətdə icra başçısı səlahiyyətlərini birinci müavin Eldəniz Mehtiyev icra edəcək”.
Xatırladaq ki, Kəlbəcər rayonundan deputatlığa namizəd olan hazırki icra başçısı Kəlbəcərin sabiq deputatı, Azərbaycan Dəmir Yolları QSC-nin sədri Cavid Qurbanovun əmisi oğludur.
İcra başçısının millət vəkilliyinə namizədliyi rayon sakinləri arasında maraqla qarşılanıb. 
Demokratik.Az 
Oxşar xəbərlər