“Fəlakət qapıdadır, küçələrdə ölə bilərik” - VİDEO

  • 22 iyun 2020, 11:40
“Koronavirusdan qorunmaq üçün aylardır, maarifləndirmə işləri həyata keçiririk. Vəziyyət təhlükəlidir, dünya çapında pisləşmə müşahidə olunmaqdadır. Azərbaycanda son ayda koronavirusa yoluxanların sayında artım var. Azərbaycan, Vətən təhlükədədir. Ölkədə karantin rejiminin yumşaldılması mənfi nəticə verdi…”
Demokratik.az xəbər verir ki, bunu “Yeni Müsavat” media qrupunun rəhbəri, Əməkdar jurnalist Rauf Arifoğlu deyib.
O qeyd edib ki, hökumət qabaqlayıcı tədbirlər həyata keçirir:
“Çünki fəlakət gəlir, qapıdadır… Braziliya, İtaliya və başqa ölkələrdəki kimi küçələrdə ölə bilərik. Bunu anlamaq lazımdır. Bu məsələdə hakimiyyət orqanlarını qınayıram. Ona görə ki, fəlakətlə bağlı məlumatları cəmiyyətə çatdıra bilmirlər. Cəmiyyətdə kifayət qədər tanınmış şəxslər də koronavirusa yoluxub.
“Virus yoxdur, göstər, görüm kim tutub?” yanaşması yanlışdır və bunun məsuliyyəti dövlət orqanlarının üzərinə düşür. Belə durum olmamalı idi. Bu cür düşünənlər özlərini, yaxınlarını bütövlükdə təhlükəyə atırlar.
Bu cür düşünənlərə qarşı polisdən və digər strukturlardan daha çox biz kəskin mövqe sərgiləməliyik. Hazırda tətbiq edilən məhdudiyyət haqlarımızı məhdudlaşdırmaq üçün deyil. Bu, virusun qarşısını almaq üçün atılan addımdır. Bizi, sizi hər kəsi qorumaq üçün…”
Oxşar xəbərlər