"O məzarı Vidadi İsgəndərlinin qohumları murdarlayıb" - Hafiz Hacıyev

Hüquqmüdafiəçisi, Fransada yaşayan Vidadi İsgəndərlinin atasının Göyçaydakı məzarlığı murdarlanaraq təhqir olunub. Hadisə ilə bağlı bir sıra mülahizələr səsləndirilir. Bəllidir ki, bu gün qərb qüvvələri bu cür hadisələrlə Azəraycanda çaxnaşmaların yaranmasında maraqlıdır.

Bəs V.İsgəndərlinin atasının məzarlığının murdarlanması nəyə hesablanıb?

"Müasir Müsavat” partiyasının sədri Hafiz Hacıyev Sfera.az-a açıqlamasında bu haqda danışıb: 

"O məni söyür. Eləsin, mən öyrəşmiş adamam. Vidadi İsgəndərli Avropada oturaraq xalqımızın mentalitetinə yad fikirlər səsləndirir. Bir il bundan öncə deyirdi ki, mən Azərbaycan vətəndaşlığından çıxıram, azərbaycanlı deyiləm. O zaman niyə Azərbaycan xalqına müraciət edir? Özü "maşennik” olub. İşlədiyi dövrdə nə işlərlə məşğul olub, bunu da hamı bilir. Sosial şəbəkələrdə bu işi görənləri təhqir etmək əvəzinə onun özünün videosunu qoyub baxmaq lazımdır”.

H.Hacıyev bildirdi ki, məzarlığın murdarlanması Vidadi İsgəndərlinin qohumları tərəfindən reallaşdırılıb: 

 

"Rayon təşkilatlarından bizə verilən məlumata görə, Vidadi İsgəndərli özünü gündəmdə saxlamaq üçün bu cür addımlar atır. Bizdə olan məlumatlara görə, onun öz qohumları tərəfindən atasının məzarı murdarlanıb. İstəyirlər ki, Vidadi İsgəndərlidən bir əzabkeş obrazı yaratsınlar. Özünü güdəmdə saxlamaq üçün bu insan hər cür yola əl atır. Bu cür yollarla gündəmdə qalmaq olmaz. O çalışır ki, qərb, Avropa üçün özünün əzabkeş obrazını yaratsın. O özünə şər ataraq valideynlərini də təhqir edir. Bu adamda kişilik yoxdur”. 

H.Hacıyev Vidadi İsgəndərlinin qızı ilə bağlı müzakirə predmeti olan mövzuya da toxunub:

"Bu adam qızını, ailəsini də siyasi gündəmə gətirir. Görün o nə qədər tərbiyəsizdir ki, qızını da gündəmə gətirir. O bu yolla xarici dövlətlərdən, agentliklərdən daha çox pul almağa çalışır. O adama baş qoşmaq lazım deyil. O qərbin əli altında alətə çevrilərək qarışıqlıq yaratmaq istəyir".