Azərbaycan və Türkiyə alimlərindən yenilik

  • 02 yan 2016, 20:09
Azərbaycan və Türkiyə alimləri əlin damarlarının unikal şəkli üzrə insanın biometrik eyniləşdirilməsinin yeni metodunu hazırlayıblar. Bunu Trend-ə Azərbaycan Milli Elmlər Akademiyasının İnformasiya Texnologiyaları İnstitutundan deyiblər.

 

Bu metod infraqırmızı skanerin köməyi ilə əlin damarlarının şəklini əldə etməyə imkan verir. Skaner infraqırmızı diapazonda çəkiliş etməyə imkan verən xüsusi filtrli fotoaparatla təchiz edilib.

Bununla da skaner damarların şəklini dəqiq əldə edir. Əldə edilmiş məlumatlar şirfrələnmiş formada kompüterə ötürülür və orada biometrik şablon yaradılır.

İnstitutdan bildiriblər ki, hər iki ölkənin alimləri bu sahədə ilk dəfə araşdırma aparırlar: "Yeni metodu tibb sahəsində də tətbiq etmək mümkündür".
Oxşar xəbərlər