Cavanşir Məmmədov: "Camaatdan pul yığılıb müğənnilərə verilsin"

Müğənni Cavanşir Məmmədov müzakirələrə səbəb olan açıqlama verib.
BAKU.WS xəbər verir ki, "Tarixin bir günü" proqramına dəvət olunan sənətçi müğənnilərə yardım etmək üçün pul yığılmalı olduğunu bildirib:
"Müğənnilər üçün bankda hesab açılmalıdır. Məsələn, Cavanşir Məmmədov "Xalq artisti" olmaq istəyir, xidmətlərim buna yol verir. 10 milyon millətimiz var. 5 milyonu kənara qoyaq, qalan beş milyon 50 qəpikdən 5, 10 minə qədər, gücü nəyə çatırsa, hesaba köçürsün.
Hesabda 5 milyon yarandıqdan sonra Mədəniyyət Nazirliyinin balansında olsun. Sənət adamları xəstələnəndə həmin pul ona xərclənsin. 50 qəpik, 1 manat verəndə dünya dağılır?"
Cavanşir Məmmədovun bu sözləri sosial şəbəkələrdə yayılaraq tənqid atəşinə tutulub.