Demokratik TV
Xəbər lenti
"Zəhləm gedir öz doğum günümdən..."
- 13 avq 2018, 15:48
Bu gün xalq artisti Elmira Rəhimovanın doğum günüdür. Elmira Rəhimova 1941-ci ilin bu günü dünyaya gəlib. Xalq artisti doğum günü ilə bağlı Moderator.az-a danışıb.
- Elmira xanım, bu gün sizin doğum gününüzdür, Sizi ürəkdən təbrik edirik
- Çox sağ olun, amma kaş olmayaydı mənim doğum günüm. Zəhləm gedir öz günümdən.
- Niyə bu günü xoşlamırsınız?
- Ömrü boyu xaricdə qastrollarda olmuşam və heç vaxt bilməmişəm ki, mənim doğum günümdür. Doğum günümü heç vaxt qeyd etməmişəm. Doğulduğum gün qanım qaralır.
- Elmira xanım, doğum gününüzdə ən çox kimlərdən təbrik gözləyirsiniz?
- Heç kimdən təbrik gözləmirəm. Hamıya can sağlığı və xoşbəxt günlər arzulayıram. Xalqıma qurban olum.
- Doğum gününüzdə sizin üçün ən böyük hədiyyə nədir?
- Xalqımın sağlam və firavan yaşamağı. Görürsünüz də bütün dünyada müharibələr gedir, amma biz sakit yaşayırıq. Hökümətimiz sağ olsun.
- Sizin üçün xalq artitsi ilə xalqın artisti eyni şeydirmi?
- Əlbəttə ki, qanan və qanmayan var. Mən həddindən artıq həssas adamam. Mənim üçün bunun fərqi var. Çox sağ olsunlar ki, məni bu ada layiq görüblər.
- Səhhətiniz necədir?
- Səhhətimdən danışmayın. Dərmanlarla yaşayıram. Səhhətim çox pisdir. Günü-gündən pisləşirəm. Cavan da deyiləm axı, yaş özün göstərir. Arzum odur ki, bütün balalarımız salamat olsunlar.
Paylaş:
Facebook
Twitter
Vkontakte
Ok.ru
Demokratik TV
Gəncədə məktəb direktorunun intihar cəhdinin İZİ İLƏ... "Hadisə sübut edir ki, Anar Qədimalıyev.."
Xəbər lenti