Xəbər lenti
Bütün xəbərlər

Gəncədə 55 min ağac əkilib- FOTOLAR

  • 25 dek 2016, 14:40
Demokratik.Az-ın məlumatına görə, Azərbaycan Respublikasının prezidenti cənab İlham Əliyevin 55 illiyi münasibətilə Gəncədə maraqlı aksiya-ağacəkmə keçirilib. Bu ilin yanvarından start götürən ağacəkmə aksiyasında  şəhərin bütün idarə və müəssisə kollektivləri, gənclər, ictimaiyyət nümayəndələri iştirak ediblər. Kampaniya çərçivəsində əsasən Gəncənin landşaftına uyğun, şəhərə yaraşıq verən, havanın oksigen ilə zənginləşməsində xüsusi rolu olan şam ağacları əkilir. Dünən Gəncə şəhər İcra Hakimiyyətinin başçısı Elmar Vəliyev aksiya çərçivəsində 55 000-ci ağacı əkib. Bu simvolik olaraq ölkə başçısının 55 illiyinə hədiyyə olub.

İcra başçısının birinci müavini Elnur Rzayev bildirib ki, 450 hektar ərazisi olan Heydər Əliyev Park Kompleksində həyata keçirilən aksiyaya bu il dekabr ayının 1-dən start verilib. 

YAP Gəncə şəhər Təşkilatının sədri, millət vəkili Naqif  Həmzəyev ağac əkmə aksiyasının gəncəlilərin Azərbaycan Respublikasının prezidenti cənab İlham Əliyevin 55 illiyinə hədiyyəsi olduğunu bildirib. Qeyd edib ki, bu gün əkilən ağaclar özünün inkişaf, çiçəklənmə dövrünü yaşayan Gəncə şəhərinin, Azərbaycanın yaşıllaşmasına, ekoloji təmizliyinə böyük töhfə verəcək.

Aksiya iştirakçıları ağac əkməklə yanaşı, ərazidə təmizlik-abadlıq işləri aparıb, ərazini alaq otlarından, daşlardan təmizləyib, yeni əkilən ağacları suvarıb, əvvəllər basdırılan tinglərə aqrotexniki qulluq göstəriblər.


 

Oxşar xəbərlər