Deputatdan Müşfiq Ələsgərliyə ağır ittiham: “Bu yaramaz 100 dollara vəsiqə satır”

Bir neçə gündür jurnalistlər üçün inşa edilmiş 3-cü binadan mənzillərin paylanılması ilə bağlı fərqli fikirlər gündəmə gəlib. Olayın "start" düyməsini basan şəxs isə tanınmış təhsil eksperti, milli məclisin deputat Etibar Əliyevdir. Deputat jurnalistlər üçün tikilmiş III binanın mənzillərinin şəhid və Qazi ailələrinə verilməsi təklifindən sonra şəxsinə qarşı sərt tənqidlərə də tuş gəlib.
Bir çoxları ənənəvi olaraq, həmin mənzillərin jurnalistlərə verilməsinin tərəfdarıdır. Etibar Əliyev və onunla həmfikir olanlar da yetərincə tutarlı arqumentlərlə deputatın mövqeyini savunurlar. Bu əsnada, Etibar Əliyevlə Mətbuat Şurası arasında da maraqlı toqquşma yaşanıb. Belə ki, deputat şuranın üzvü Müşfiq Ələsgərlini də sərt şəkildə tənqid etmək məcburiyyəti hiss edib.
Deputat özünün feysbuk sosial şəbəkəsindəki hesabında yazıb ki, Mətbuat Şurasının fırıldağının üstü açılır.
“Fırıldaqların üstü açılır. Haqqımda yaramaz ifadələr işlədən Juranalist Həmkarlar ittifaqının sədri Mediada böyük korrupsiya və maxinasiyaların müəllifi Əli Həsənovun ad çıxarmış trolu Müşfiq Ələsgərliyə də sən demə  Juranaistər binasından 3 otaqlı ev verilib. Hövsan qəsəbəsində böyük villa sahibi olan bu adam binadakı evin qapısını bağlı saxlayıb.  Bu evi onun əlindən alıb mənzil şəraiti yaxşı olmayan jurnalistin birinə vermək lazımdır. Bu adamın kimsə bircə yazısına rast gəlibmi? Bu yaramaz “beynəlxalq jurnalist “vəsiqəsi paylayır. Üzüvülük haqqı 100 dollardır. Məlumatlar gəlməkdə davam edir. İzləyin. Davamı olacaq…”.