Kəmaləddin Heydərov jurnalisti hədələyən polkovnik-leytenantı işdən qovdu

  • 06 iyun 2021, 20:10
Kəmaləddin Heydərov jurnalisti hədələyən polkovnik-leytenantı işdən çıxardı – FOTO
Fövqəladə Hallar Nazirliyi Dövlət Yanğın Nəzarəti Xidmətinin Yanğından icbari sığorta işinə nəzarət şöbəsinin baş mütəxəssisi daxili xidmət polkovnik-leytenantı Araz Furqan oğlu Musayev 3 iyun 2021-ci il tarixində Abşeron rayonu, Xırdalan şəhəri, Ş.Qurbanov küçəsi, ev 38 ünvanında vətəndaşların şikayəti əsasında araşdırma aparan kütləvi informasiya vasitələrinin əməkdaşlarının xidməti vəzifələrini yerinə yetirməsinə mane olub və onları hədələyib, bununla da fövqəladə hallar orqanlarının nüfuzunu aşağı sala biləcək hərəkətlərə yol verib.
Bu barədə nazirliyin mətbuat xidmətindən məlumat verilib.
Bildirilib ki, qeyd olunanları nəzərə alaraq, fövqəladə hallar naziri general-polkovnik Kəmaləddin Heydərovun 4 iyun 2021-ci il tarixində imzaladığı müvafiq əmrə əsasən Araz Musayev fövqəladə hallar orqanlarından xaric edilib.
Xatırladaq ki, Araz Musayev ötən illərdə şəhid milli qəhrəman Mübariz İbrahimov barədə xoşagəlməz status yazmış psixoloq Nərmin Şahmarzadəni məhkəməyə verməklə və digər qalmaqallarla da gündəmə gəlmişdi...
Demokratik.Az
Oxşar xəbərlər