Deputatımızın oğlu Londondakı şirkətini ləğv edib - NİYƏSİ VAR

Milli Məclisin deputatı Azər Kərimlimin oğlu Fəxri Kərimli iki il əvvəl İngiltərədə təsis etdiyi CARRIMLI LIMITED şirkətini könüllü şəkildə ləğv edib.
Demokratik.Az bildirir ki, bu barədə araşdırmacı-jurnalist Cavanşir Həsənli yazıb. Jurnalist özünün feysbuk sosial şəbəkə hesabında qeyd edib ki, bnunla bağlı deputat övladı iyulun 17-də Londonda Şirkətlər Evinə (müəssisələrin qeydiyyat idarəsi) rəsmi müraciət edib. Şirkətin ləğvi barədə məlumat isə iyulun 28-də rəsmi qəzetdə dərc olunacaq.
Canaşir Həsənli xatırladıb ki, deputatın oğlunun Britaniyada şirkət təsis etməsi ilə bağlı 5 ay öncədən məlumatlı olub. Sözügedən CARRIMLI LIMITED-in fəaliyyət sahəsi isə daşınmaz əmlak biznesini əhatə edib. Fəxri Kərimli isə Oksford məzunudur.
Jurnalist onu da iddia edib ki, onun Londondakı biznesinə son qoyması atası Azər Kərimlinin vasitəsilə Azərbaycanda ciddi dövlət işinə düzəlməsi ilə əlaqədar ola bilər.
Azər Kərimlinin diğər oğlu İlkin Kərimli də Londonda daşınmaz əmlak biznesi ilə məşğuldur.
Demokratik.Az