Yaşı 65-dən yuxarı şəxslərə qadağa mayın 11-də götürülə bilər

Bugünkü qərarla Karantin rejimi mayın 31-nə qədər uzadıldı və bəzi ərazilərdə də yumşaldılmasına qərarı verildi. Qərara əsasən, yoluxma hallarının yüksək olduğu 4 şəhərdə karantindən çıxma yavaş sürətlə həyata keçiriləcək. Digər ərazilərdə isə yüksək sürətlə çıxış olacaq.
Demokratik.Az-ın məlumatına görə, Azərbaycan Nazirlər Kabineti Yanında Operativ Qərərgahın mətbuat katibi İbrahim Məmmədov qərarı şərh edərkən 65 yaşdan yuxarı şəxslərin evdən çölə çıxmasına qadağanın nə zaman aradan qaldırılacağına da toxunub. O, bilidirib ki, sözügedən məsələyə də baxılır: "Mayın 11-dən sonra qərar qəbul edilməsi planlaşdırılır"-deyə NK rəsmisi bildirib.
Ehtimal ki, 65 yaşdan yuxarı şəxslərə tətbiq edilən qadağa mayın 11-dən etibarən aradan qaldırılacaq.
Demokratik.Az