Xəbər lenti
Bütün xəbərlər

Şeir - Qan, şərab və qadın

  • 10 fev 2020, 18:27
QAN, ŞƏRAB VƏ QADIN...

 

- Hər üçü can alandı,
Hər üçündə böyük yaşam,
Hər üçündə məhəbbət var.
Biri savaş nəticəsi,
Biri savaş səbəbidir,
Digəri
Savaşın, barışın özüdür...
Sevgidir tənhalığın düşməni,
Arzudur sevginin yelkəni.
Tənhalıqdan ayıran da,
Yenə tənha qoyan da
Bir qanın gözləridir,
Sözləridir
İnsanı şəraba meyl etdirən,
Qısqanclığı
İnsana qan udduran...
Qan, şərab və qadın –
- Hər üçü ehtiras dolu,
Şəhvətin səngəridir.
Qaça bilməzsən üçündən də,
Əgər ali olmasan.
Seçməlisən, keçməlisən:
Bu böyük bir imtahandır.
Bəzən acı bir həqiqət,
Bəzən bir şirin yalandır!
*** *** ***
Qan tökmədən dayanmayır
İnsan əli,
Sanki şərab bihuş edib.
Doyammayır, dayanmayır,
Bu zillətli savaşdan
Əsla geri çəkilməyir.
Savaşın özü çətin olsa da,
Nəticəsi çox gözəldir –
- Sanki gözəl bir qadının
Gülümsəməsi...
Kölə edir o qadının
Odlu gözləri.
Sözləri və qısqanclığı:
- Şərab içib qan qusduran,
Hər bir şeyi unutduran
O gözəl nəvazişi.
Gah anadır – qayğıkeşdir,

Gah da bir qızcığaz –
- Naz eləyir...

6 Fevral 2020
Elşən İsmayıl
Oxşar xəbərlər