Xəbər lenti
Bütün xəbərlər

Beyləqanda "Accessbank"a hücum olub

  • 02 avq 2016, 09:52
Azərbaycanda bank filiallarından birində basqın edilib. Hadisə "Accessbank” QSC-nin "Beyləqan” filialında qeydə alınıb. 
 
Demokratik.Az-a hadisə barədə verilən bilgiyə görə, Beyləqan rayonlararası mühafizə şöbəsinə rayonun Magistral küçəsində yerləşən "Accessbank” QSC-nin "Beyləqan” filialından "həyəcan” siqnalı daxil olub. Mühafizə polisinin əməkdaşları hadisə yerinə gediblər.
 
Bu zaman bankın "Beyləqan filialının pəncərəsinin şüşəsini sındıraraq hadisə yerindən qaçmaq istəyən Füzuli rayonu, Yuxarı Güzdək kənd sakini, Beyləqan rayonu ərazisində məskunlaşan Rəhim Nəbiyev saxlanılıb. Hadisənin borcun qaytarılmasında vətəndaşla bank arasında yaranan problemdən irəli gəldiyi bildirilir. 

Rəhim Nəbiyev Beyləqan rayon polis şöbəsinin əməkdaşlarına təhvil verilib.Faktla əlaqədar araşdırma başlanıb.
 
Demokratik.Az
Oxşar xəbərlər