“Bizim Yol”un əməkdaşı Pərviz Həşimli də əfv edilib

  • 17 mart 2016, 18:23

Əfv sərəncamı ilə "siyasi məhbus” hesab edilən digər şəxslər də azadlığa buraxılıb.

Prezident İlham Əliyev Novriuz bayramı münasibətilə əfv sərəncamı imzalayıb. Sərəncamda qeyd edilir ki, məhkum olunmuş bir sıra şəxslərin, onların ailə üzvlərinin, İnsan hüquqları üzrə müvəkkilin, insan hüquqlarının müdafiəsi təşkilatlarının Azərbaycan Respublikası Prezidentinə ünvanlanmış əfv haqqında müraciətlərinə baxaraq, məhkumların şəxsiyyətini, səhhətini, ailə vəziyyətini, cəza çəkdikləri müddətdə davranışlarını nəzərə alaraq, humanizm prinsiplərinə əsaslanaraq, Azərbaycan Respublikası Konstitusiyasının 109-cu maddəsinin 22-ci bəndini rəhbər tutularaq 137 nəfər azadlığa buraxılıb, 6 nəfər islah işləri cəzasının çəkilməmiş hissəsindən, 5 nəfər cərimə cəzasından azad edilib.

Əfv sərəncamı ilə azadlığa çıxan şəxslər sırasında  bir çox tanınmışlar var.
"Bizim Yol" qəzetinin əməkdaşı Pərviz Həşimli, Müsavat başqanının müşaviri Yadigar Sadıqov, Müsavat başqanının müavini Tofiq Yaqublu, Müsavat fəalı Sirac Kərimli, Milli Azadlıq Hərəkatının tanınmış simalarından olan Nemət Pənahlı, Prezidentin İşlər idarəsinin sabiq rəhbəri Akif Muradverdiyev, SMDT sədri Anar Məmmədli, hüquq müdafiəçiləri Rəsul Cəfərov, Taleh Xasməmmədov, "Tolışi-Sədo” qəzetinin baş redaktoru Hilal Məmmədov,  NİDA-çılar Rəşadət Axundov. Məmməd Əzizov, Ömər Məmmədov da azadlığa buraxılıblar.

Əfv edilmiş məhbusların tam siyahısı ilə  saytımızdan da tanış ola bilərsiniz.  
Oxşar xəbərlər